សមត្ថកិច្ចខេត្តបាត់ដំបង ចុះបង្រ្កាប និងឃាត់ខ្លួនជនសង័្សយ ៣នាក់ ពាក់ព័ន្ធករណីប្រើប្រាស់គ្រឿងញៀន

ខេត្តបាត់ដំបង ៖ កម្លាំងនគរបាលនៃអធិការដ្ឋាននគរបាលក្រុងបាត់ដំបងបានប្រតិបត្តិការ បង្រ្កាបករណីជួញដូរដោយខុសច្បាប់នូវសារធាតុញៀន ១ករណី ក្នុងបទល្មើសជាក់
ស្តែង ឃាត់ខ្លួនជន សង្ស័យចំនួន ៣នាក់ កាលពីថ្ងៃទី០៥ ខែមេសា ឆ្នាំ២០២១ វេលាម៉ោង១៥ និង ២០ នាទី នៅចំណុចភូមិអូរចារ សង្កាត់អូរចារ ក្រុងបាត់ដំបង ខេត្តបាត់ដំបង។

ជនសង្ស័យទាំង៣នាក់ មាន ១-ឈ្មោះ សំ ច័ន្ទសិរីរតន: ហៅឆៃវ៉ាត់ ភេទប្រុស អាយុ ១៩ឆ្នាំ មានទីលំនៅភូមិអូរតាប៉ុកលើ សង្កាត់ ទួលល្វា ក្រុងប៉ៃលិន ខេត្តប៉ៃលិន។ ២-ឈ្មោះ ណុប សង្ហា ហៅស្រឿង ភេទប្រុស អាយុ ២៦ឆ្នាំ មានទីលំនៅភូមិ អូរតាប៉ុកក្រោម សង្កាត់ ទួលល្វា ក្រុងប៉ៃលិន ខេត្តប៉ៃលិន។ ៣-ឈ្មោះ ហ៊ុន សុតឺ ភេទប្រុស អាយុ ១៩ឆ្នាំ មានទីលំនៅភូមិ អូរតាប៉ុកលើ សង្កាត់ទួលល្វា ក្រុងប៉ៃ លិន ខេត្តប៉ៃលិន។

វត្ថុតាងចាប់យកបានរួមមាន ម្សៅក្រាមពណ៌សថ្លាច្រកក្នុងថង់ប្លាស្ទិកថ្លា ចំនួ ន ០២ ថង់ សង្ស័យមានសារធាតុញៀនប្រភេទមេតំហ្វេតាមីន (ម៉ាទឹកកកICE) ទម្ងន់ ២៥,៥៥ ក្រាមទាំងសំបក, ដបកែច្នៃសម្រាប់ជក់ថ្នាំញៀនចំនួន ១ និងអំពូលកែច្នៃសម្រាប់ជក់ថ្នាំញៀន ចំនួន០១, ដែកកេះកែច្នៃចំនួន០១, កាបូបដាក់ប្រាក់ពណ៌ខ្មៅចំនួន ០១ , ទូរស័ព្ទដៃចំនួន ០១គ្រឿង និងម៉ូតូ០១គ្រឿង ម៉ាកSuzuki viva ស៊េរីឆ្នាំ២០១១ ពណ៌ក្រហម ពាក់ស្លាកលេខ ប៉ៃលិន 1-A8503។

បច្ចុប្បន្នជនសង្ស័យ និងវត្ថុតាងសមត្ថកិច្ចកសាងសំណុំរឿងបញ្ជូនមកការិយាល័យជំនាញអនុវត្តបន្ត ទៅតាមនីតិវិធីច្បាប់៕