ខេត្តបន្ទាយមានជ័យ ៖ ក្រុមក្មេងទំនើង១ក្រុមមានគ្នា១០នាក់ដាក់រហ័សនាមខ្លួនឯងថាជាក្រុមសូឡូចេញធ្វើសកម្មភាពកាប់ទៅលើក្រុមផ្សេង និងទៅលើអ្នកដ៏ទៃ ឲ្យតែហានមើលមុខនិងជិៈម៉ូតូវ៉ាត្រូវក្រុមរបស់ខ្លួនកាប់ ក្រោយមកត្រូវកម្លាំងអធិការដ្ឋាននគរបាលក្រុងប៉ោយប៉ែតដែលដឹកនាំដោយ លោក វរសេនីយទោ បោនសីហាឃាត់ខ្លួនបាន នៅរសៀលថ្ងៃទី ២៨ខែមីនា ឆ្នាំ២០២១។
លោកវរសេនីយ៍ទោ បោន សីហា អធិការស្តីទី ក្រុងប៉ោយប៉ែត បានឲ្យដឹងថាអនុវត្តតាមបទបញ្ជា របស់លោកឧត្តមសេនីយ៍ទោសិទ្ធិ ឡោះ ស្នងការនគរបាលខេត្តបន្ទាយមានជ័យពេលដែលលោកបានដឹកនាំកម្លាំងចុះល្បាតក្នុងភូមិសាស្រ្ត ក្រុងប៉ោយប៉ែតបានឃាត់ខ្លួនក្រុមក្មេងទំនើងចំនួន២នាក់នៅចំនុចភូមិបាលិលេយ្យ២ សង្កាត់ប៉ោប៉ែត ក្រុងប៉ោយប៉ែត ខេត្តបន្ទាយមានជ័យនិងដកហូតបានកាំបិតចំនួនមួយដើមព្រមទាំងម៉ូតូ១គ្រឿង យកមកសួរនាំនៅអធិការដ្ឋាននគរបាលក្រុងប៉ោយប៉ែត។ក្រោយពីបានសួរនាំក្មេងទាំង២នាក់ កម្លាំងនគរបាលក្រុង ប៉ោយប៉ែតបានបន្តឃាត់ខ្លួនបក្ខពួកប្រុស ស្រី ចំនួន៧នាក់បន្ថែមទៀត និងបានដកហូតកាំបិតកែឆ្នៃ១ដើម និងកាំបិតប៉័ងតោចំនួន១ដើម ព្រមទាំងម៉ូតូ២គ្រឿង ម៉ាកហុងដាហ្សូមម័រ អ៊ិច និងម៉ាក ហុងដាឌ្រីមC125 នៅចំណុចបន្ទប់ជួល ភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
លោកវរៈសេនីយ៍ទោ បោន សីហា អធិការស្តីទី បានបញ្ជាក់ថាក្រុមក្មេងទំនើងប្រុស ស្រី ទាំង៩នាក់ដែលត្រូវបានកម្លាំងនគរបាលក្រុងប៉ោយប៉ែតឃាត់ខ្លួន មានឈ្មោះ
១. ឈ្មោះ ភា រ៉ា ភេទប្រុស អាយុ១៦ឆ្នាំ
២. ឈ្មោះ ហយ រស់ ភេទប្រុស អាយុ២១ឆ្នាំ
៣. ឈ្មោះ ញឹម វុទ្ធី ភេទប្រុស អាយុ១៥ឆ្នាំ
៤. ឈ្មោះ ចាន់ ឌឿន ភេទប្រុស អាយុ១៦ឆ្នាំ
៥. ឈ្មោះ កែវ រ៉ាត់ ភេទប្រុស អាយុ១៤ឆ្នាំ
៦. ឈ្មោះ សុខ តុលា ភេទប្រុស អាយុ១៥ឆ្នាំ
៧. ឈ្មោះ អែម ធារ៉ា ភេទប្រុស អាយុ១៥ឆ្នាំ
៨. ឈ្មោះ អ៊ុ ចាន់ថន ភេទស្រី អាយុ១៤ឆ្នាំ
៩. ឈ្មោះសយ សុខលី ភេទស្រី អាយុ១៥ឆ្នាំ។
លោកវរសេនីយ៍ទោ បោន សីហា អធិការស្តីទីបានឲ្យដឹងទៀតថានៅចំពោះមុខសមត្ថកិច្ច ក្មេងទំនើងទាំង៩នាក់ បាននិយាយថា ក្រុមខ្លួនមានគ្នា១០នាក់ ដាក់រហ័សនាមក្រុមខ្លួនថា សូឡូ ធ្លាប់ដើរធ្វើសកម្មភាព កាប់ទៅលើក្រុមផ្សេង និងទៅលើអ្នកដ៏ទៃ ច្រើនដងផងដែរឲ្យតែមើលមុខនិងជិៈម៉ូតូ វ៉ាពួកគេ ក៏ក្រុមគេ កាប់ដែរ ឲ្យតែខ្នើសចិត្ត។
លោកវរសេនីយ៍ទោ ព្រហ្ម ប៊ុនធឿន បានបញ្ជាក់ឲ្យដឹងទៀតថាក្រោយពីកម្លាំងនគរបាលក្រុងប៉ោយប៉ែតបានធ្វើការឃាត់ក្មេងទំនើងបាន៩នាក់ កម្លាំជំនាញបានស្រង់ចម្លើយរួច កម្លាំងនគរបាលក្រុងប៉ោយប៉ែត បានបន្តឈានទៅដល់ការឃាត់ខ្លួនបានបក្ខពួកចំនួន៣នាក់បន្ថែមទៀត មាន៖ ១. ឈ្មោះ សែ ចាន់ ភេទប្រុស អាយុ១៦ឆ្នាំ។ ២. ឈ្មោះកែវ ពៅលាក់ ភេទប្រុស អាយុ២០ឆ្នាំ។ ៣. ឈ្មោះ តឿន នេត្រ ភេទប្រុស អាយុ១៧ឆ្នាំ។ ដកហូតបានកាំបិតខ្វែវ ចំនួន១ដើម ព្រមទាំងម៉ូតូម៉ាកអ៊ិចស៊ិនទ័រមួគ្រឿងផងដែរ។
ចំពោះក្មេងស្រីចំនួន២នាក់ព្រះរាជ្ញអាជ្ញាបានអនុញាតិឲ្យធ្វើការអប់រំនិងធ្វើកិច្ចសន្យា រួចហៅឪពុកម្តាយឲ្យនាំមកយកត្រឡប់ទៅផ្ទះវិញចំពោះក្មេងទំនើងប្រុសៗចំនួន១០នាក់ និងវត្ថុតាងដាវ កាំបិត ត្រូវបានបញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមនិតិវិធីច្បាប់៕
