ខេត្តកំពង់ស្ពឺ ៖ ក៏ព្រោះតែភ្លើងប្រច័ណ្ឌ ពុះកញ្រ្ជោល បាំងមុខ បុរសម្នាក់ បានលីកាំបិត ផ្គាក់ ទៅកាប់បុរសម្នាក់ទៀត ដែលជាអ្នកភូមិជាមួយគ្នា ដោយចោទថា បានសាហាយ ស្មន់ ជាមួយប្រពន្ធខ្លួន។
ក្រោយធ្វើសកម្មភាព កាប់ទៅលើជនរងគ្រោះ ជនសង្ស័យត្រូវបានសមត្ថកិច្ចឃាត់ខ្លួន បានកាលពីរសៀលថៃ្ងទី១៦ ខែមិនា ឆ្នាំ២០២១ នៅភូមិគោកមានជ័យ ឃុំព្នាយ ស្រុកសំរោ ងទ ង ខេត្តកំពង់ស្ពឺ។
សមត្ថកិច្ចបានអោយដឹងថា ជនសង្ស័យ ឈ្មោះ ម៉ៃ សៅគៀង អាយុ២៧ឆ្នាំ។ ចំណែកជនរងគ្រោះឈ្មោះ សែម ភា ហៅវ៉េវ ភេទប្រុស អាយុ ២១ ឆ្នាំ រស់នៅភូមិគោកមានជ័យ ឃុំព្នាយ ស្រុកសំរោ ងទ ង ខេត្តកំពង់ស្ពឺ ភូមិឃុំ ជាមួយ ជនល្មើស។
តាមការបញ្ជាក់ពីសមត្ថកិច្ច ជនល្មើសបានធ្វេីសកម្មភាព កាប់ទៅលេីជនរងគ្រោះ នៅពេលជនរងគ្រោះកំពុងអង្គុយចិតផ្លែស្វាយនៅខាងក្រោយផ្ទះដោយមិនបានដឹងខ្លួន ជនល្មើស កាប់ចំនួន ៤ កាំបិត ចំក្បាលលើត្រជៀក ខាងស្ដាំ ១កាំបិត កញ្ចឹ ងក ២ កាំបិត សង្ខាង កែងដៃខាងស្ដាំ ១កាំបិត ក្នុង ហេតុការណ៍ ខាងលេី បណ្ដាលឱ្យស្លាប់នៅនឹងកន្លែងកើតហេតុ មូលហេតុ គឺជនល្មេីសចោទប្រកាន់សង្ស័យថាប្រពន្ធខ្លួន មា នទំនាក់ទំនង ស្នេហា ក្រៅឆាកជាមួយជនរងគ្រោះ ។
បច្ចុប្បន្ន ជនល្មើស ត្រូវ បាន កំលាំងនគរបាល ធ្វើ ការឃាត់ខ្លួនរួមជាមួយវត្ថុតាងកាំបិតផ្គាក់ បញ្ជូន មកអធិ ការដ្ឋាន នគរបាល ស្រុក សំរោងទង សាកសួរ កសា ងសំណុំរឿង បញ្ជូន ទៅកាន់ ការិយាល័យ ជំនាញ នៃ ស្នងការដ្ឋាន នគរបាលខេត្ដកំពង់ស្ពឺ ចំណាត់ការបន្ត៕
