ខេត្តបាត់ដំបង ៖ កម្លាំងប៉ុស្តិ៍នគរបាលរដ្ឋបាលកកោះនៃអធិការដ្ឋាននគរបាលស្រុកមោងឫស្សី បានធ្វើការឃាត់ខ្លួនក្មេងទំនើងបង្កភាពអនាធិបតេយ្យ ចំនួន០៥នាក់ កាលពីថ្ងៃទី១៥ ខែមីនា ឆ្នាំ២០២១ ដែលបានធ្វើសកម្មភាពវាយនិងយកដុំថ្មគប់លើគ្នាទៅវិញទៅមក នៅចំណុចសាលាអនុវិទ្យាល័យកកោះ ភូមិកកោះ ឃុំកកោះ ស្រុកមោងឫស្សី ខេត្តបាត់ដំបង។
មន្ត្រីនគរបាលស្រុកមោងឫស្សី បានឲ្យដឹងថា ៖ ជនសង្ស័យទាំង០៥នាក់រួមមាន ៖ ១.ឈ្មោះ រឿប សីហា (ហៅ ជ្រូក) ភេទប្រុស អាយុ១៧ឆ្នាំ រស់នៅភូមិស្រែអូរ ឃុំកកោះ ស្រុកមោងឫស្សី ខេត្តបាត់ដំបង ។ ២.ឈ្មោះ ឆាប វណ្ណៈ ភេទប្រុស អាយុ១៥ឆ្នាំ រស់នៅភូមិស្រែអូរ ឃុំកកោះ ស្រុកមោងឫស្សី ខេត្តបាត់ដំបង ។ ៣.ឈ្មោះ ចាយ ចិន (ហៅខ្លូ) ភេទប្រុស អាយុ១៨ឆ្នាំ រស់នៅភូមិស្រែអូរ ឃុំកកោះ ស្រុកមោងឫស្សី ខេត្តបាត់ដំបង ។ ៤.ឈ្មោះ ស៊ីណាត ប្រុសណាត (ហៅង៉ោល) ភេទប្រុស អាយុ ១២ឆ្នាំ រស់នៅភូមិស្រែអូរ ឃុំកកោះ ស្រុកមោងឫស្សី ខេត្តបាត់ដំបង ។ ៥.ឈ្មោះ ស៊ីម សំណាង ហៅ បឹម ភេទប្រុស អាយុ ១៥ឆ្នាំ រស់នៅភូមិចកតូច ឃុំកកោះ ស្រុកមោងឫស្សី ខេត្តបាត់ដំបង ។
កម្លាំងនគរបាលស្រុកបានអប់រំ និងធ្វើកិច្ចសន្យាអោយបញ្ឈប់សកម្មភាពបង្កភាពអនាធិបតេយ្យតទៀត និងប្រគល់អោយអាណាព្យាបាលយកទៅអប់រំបន្តនៅលំនៅដ្ឋានវិញ៕
