ភ្នំពេញ.នគរបាលខណ្ឌចំការមន សហការជាមួយនគរបាលខណ្ឌ៧មករា ប៉ុស្តិ៍នគរបាលវាលវង់ បានឃាត់ខ្លួនក្មេងទំនើង១២នាក់រួចបន្តឃាត់ ម្នាក់ទៀត សរុប១៣នាក់ ពាក់ព័ន្ធនិងករណី បង្កហឹង្សាដោយចេតនា ប្រើកាំបិតនិងដាវកាប់ទៅលើយុវជន៣នាក់ បណ្តាលរងរបួសធ្ងន់ ។ កាលពីវេលាម៉ោង២១និង៤០នាទី យប់ថ្ងៃទី ០៥ មីនា ២០២១នៅចំណុចមុចផ្ទះ786 ផ្លូវ7 ក្រុម25 ភូមិ សង្កាត់បឹងត្របែក ខណ្ឌចំការមន រាជធានីភ្នំពេញ។
ជមសង្ស័យទាំង១៣នាក់មានឈ្មោះដូចខាងក្រោម១-ឈ្មោះ ហ៊ុន ពិសី ភេទប្រុស អាយុ២០ឆ្នាំ ជនជាតិខ្មែរ ស្នាក់នៅផ្ទះលេខ១៨ ផ្លូវជាតិលេខ២១១ ភូមិ១សង្កាត់វាលវង់ ខណ្ឌ៧មករា រាជធានីភ្នំពេញ មុខរបរ គ្មាន ។ ២-ឈ្មោះ យង់ រតនៈ ហៅតា ភេទប្រុស អាយុ២៨ឆ្នាំ ជនជាតិខ្មែរ ស្នាក់នៅផ្ទះគ្មានលេខ ផ្លូវលំ សង្កាត់ការកាបទី២ ខណ្ឌពោធិសែនជ័យ រាជធានីភ្នំពេញ មុខរបរ គ្មាន។ ៣-ឈ្មោះ ប្រុក ពិសិដ្ឋ ភេទប្រុស អាយុ២០ឆ្នាំ ជនជាតិខ្មែរ ស្នាក់នៅផ្ទះគ្មានលេខ ផ្លូវលំ បូរីសន្តិភាពទី២ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ មុខរបរ កម្មករសំណង់ ។ ៤-ឈ្មោះ ទីម ចំរើន ភេទប្រុស អាយុ២០ឆ្នាំ ជនជាតិខ្មែរ ស្នាក់នៅផ្ទះគ្មានលេខ ផ្លូវ ២៧៨ សង្កាត់អូឡាំពិកខណ្ឌចំការមន រាជធានីភ្នំពេញ មុខរបរ ជួលលក់ខោអាវ ។ ៥-ឈ្មោះ តាំង សូឆាយ ភេទប្រុស អាយុ១៧ឆ្នាំ ជនជាតិខ្មែរ ស្នាក់នៅផ្ទះជួល ផ្លូវលំ ភូមិព្រៃទា សង្កាត់ចោមចៅ ២ ខណ្ឌពោធិសែនជ័យ រាជធានីភ្នំពេញ មុខរបរ អ្នកយាមម៉ូតូ ។៦-ឈ្មោះ ថន ចាន់មករា ភេទប្រុស អាយុ១៦ឆ្នាំ ជនជាតិខ្មែរ ស្នាក់នៅ៣៦៧ ភូមិម៉ាក់ឃ្លី សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ មុខរបរ សិស្ស (ស្តាយកាតាបមានកាំប៉ិតចំនួន០៣)។៧-ឈ្មោះ សែម រ៉ាវី ភេទប្រុស អាយុ១៧ឆ្នាំ ជនជាតិខ្មែរ ស្នាក់នៅផ្ទះលេខ២៨ជាន់ទី៥ (បូរីកីឡា) សង្កាត់វាលវង់ ខណ្ឌ៧មករា រាជធានីភ្នំពេញ មុខរបរ សិស្ស ។៨-ឈ្មោះ ឆិល ឡង ឌី ភេទប្រុស អាយុ ១៧ឆ្នាំ ជនជាតិខ្មែរ ស្នាក់នៅក្នុងឃ្លាំងផ្ញើម៉ូតូលេខ២៧៨ ផ្លូវព្រះមុន្នីវង្ស សង្កាត់បឹងរាំង ខណ្ឌដូនពេញ រាជធានីភ្នំពេញ មុខរបរ លក់កាហ្វេ ។
៩-ឈ្មោះ លឹម គឹមសុភក្ត្រ ភេទប្រុស អាយុ១៦ឆ្នាំ ជនជាតិខ្មែរ ស្នាក់នៅផ្ទះគ្មានលេខ ផ្លូវលំ ភូមិ១៧ សង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ មុខរបរ សិស្ស ។១០-ឈ្មោះ សី វិសាល ភេទប្រុស អាយុ១៧ឆ្នាំ ជនជាតិខ្មែរ ស្នាក់នៅផ្ទះលេខ១៥០ ផ្លូវ១០ម៉ែត្រ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ មុខរបរ គ្មាន ។ ១១-ឈ្មោះ ម៉េត ដាវីត ភេទប្រុស អាយុ១៧ឆ្នាំ ជនជាតិខ្មែរ ស្នាក់នៅផ្ទះគ្មានលេខ ផ្លូវលំ សង្កាត់កាកាបទី២ខណ្ឌពោធិ៍សែនជ័យ រាជធានីភ្នំពេញ មុខរបរ គ្មាន។១២-ឈ្មោះ សូត្រ សុមេតា ភេទប្រុស អាយុ២៦ឆ្នាំ ជនជាតិខ្មែរ ស្នាក់នៅផ្ទះលេខផ្លូវលំ សង្កាត់ការកាបទី២ ខណ្ឌពោធិសែនជ័យ រាជធានីភ្នំពេញ មុខរបរ គ្មាន។ដោយឡែកជនសង្ស័យ ឈ្មោះ ភួង មុន្ទីពេជ្រ ភេទប្រុស អាយុ១៧ឆ្នាំ ជនជាតិខ្មែរ ស្នាក់នៅផ្ទះជួល ផ្លូវជាតិលេខ១៦៩ សង្កាត់វាលវង់ ខណ្ឌ៧មករា រាជធានីភ្នំពេញ មុខរបរ គ្មានឃាត់ខ្លួននៅចំណុចផ្សារសេរីភាព សង្កាត់វាលវង់ ខណ្ឌ៧មករា ។សម្ភារៈដកហូតបាន កាំបិតប៉័ងតោ៣ដើមនិងម៉ូតូ៥គ្រឿង។
ប្រភពពីនគរបាលបានដឹងថា នៅថ្ងៃទី ០៥ មីនា ២០២១ វេលាម៉ោង២១ និង៤០នាទីជនរងគ្រោះឈ្មោះ ឡេង សំណាង – ឈ្មោះ ណារុន វឌ្ឍនះ និងឈ្មោះ សៅ សុខហេង រួមនិងមិត្តភក្តិមួយចំនួនទៀតកំពង់អង្គុយលេងនៅមុខផ្ទះលេខ ៧៨៦ ផ្លូវ៩៧ ក្រុម២៥ ភូមិ៧ សង្កាត់បឹងត្របែក ខណ្ឌចំការមន រាជធានីភ្នំពេញ ស្រាប់តែមានក្រុមក្មេងទំនើង មួយក្រុម មានគ្នាប្រហែលជិត២០នាក់ ជិះម៉ូតូជាង១០គ្រឿងមកឈប់នៅក្បែរជនរងគ្រោះកំពុងឈរជែកគ្នា ហើយនាំគ្នាចុះមកដេញកាប់មកលើជនងគ្រោះបណ្តាលអោយរងរបួសលើឈ្មោះ ឡេង សំណាង – សៅ សុខហេង និង ឈ្មោះណារុន វឌ្ឍនះ រងរបួសធ្ងន់ធ្ងរ បន្ទាប់មកជនសង្ស័យបាននាំគ្នាឡើងជិះម៉ូតូបើកគេច ខ្លួនបាត់អស់ទៅ រីឯជនរងគ្រោះត្រូវបានមិត្តភក្តិបញ្ជូនទៅកាន់មន្ទីពេទ្យមិត្តភាពខ្មែរសូវៀត និងមន្ទីពេទ្យកាល់ម៉ែត្រដើម្បីព្យាបាលរបួស។
រហូតមកដល់ថ្ងៃទី ០៩ មីនា ២០២១ វេលាម៉ោង២៣និង០០នាទី នគរបាលផ្នែកព្រហ្មទណ្ឌខណ្ឌចំការមន បានធ្វើការស្រាវជ្រាវនិងឃាត់ខ្លួនជនសង្ស័យបានម្នាក់ឈ្មោះ គួង មុន្ទីពេជ្រ នៅចំណុចមុខផ្សារសេរីភាព ផ្លូវ ១៦៩ សង្កាត់វាលវង់ ខណ្ឌ៧មករា រាជធានីភ្នំពេញ និងបន្តសហការជាមួយកម្លាំងនគរបាលខណ្ឌ៧មករា ឃាត់ខ្លួន១២នាក់ទៀតនៅ នៅក្រោយសាលាបឋមបាក់ទូក ផ្លូវ១៤៩ សង្កាត់វាលវង់ ខណ្ឌ៧មករា ។
បច្ចុប្បន្នជនសង្ស័យទាំង១៣នាក់កំពុងស្ថិតក្រោមការសាកសួររបស់ជំនាញផ្នែកនគរបាលព្រហ្មទណ្ឌខណ្ឌចំការមនដើម្បីកសាងសំណុំរឿងបញ្ជូនឡើងតុលាការចាត់ការតាមនិតិវិធីច្បាប់។
