រដ្ឋមន្រ្តីក្រសួងការបរទេសអាមេរិកលោក Pompeo ចង់អោយប្រទេសជាសម្ព័នមិត្តរួមគ្នាប្រឆាំងនិងប្រទេសចិន

អាមេរិក៖រដ្ឋមន្រ្តីក្រសួងការបរទេសសហរដ្ឋអាមេរិកលោក Mike Pompeo បាននិយាយនៅថ្ងៃអង្គារនេះថាសហរដ្ឋអាមេរិកចង់អោយប្រទេសសម្ព័ន្ធភាពនៅទូទាំងពិភពលោកប្រឆាំងនឹងប្រទេសចិន ខណៈដែលលោកបានចោទប្រកាន់ទីក្រុងប៉េកាំងថាបានកេងចំណេញពីការឆ្លងរាលដាលនៃមេរោគឆ្លងដើម្បីរកផលប្រយោជន៍ផ្ទាល់ខ្លួន។ ការអំពាវនាវមួយនេះបានកើតឡើងស្របពេលប្រធានាធិបតីសហរដ្ឋអាមេរិក ដូណាល់ត្រាំ បានកំណត់ប្រទេសចិនជាគូប្រជែងដ៏សំខាន់របស់សហរដ្ឋអាមេរិកនិងបានចោទប្រកាន់ប្រធានាធិបតី ស៊ីជីនពីងពី ការទាញយកផលប្រយោជន៍ពីពាណិជ្ជកម្មនិងមិនបានប្រាប់ពីទិន្នន័យពិតអំពីការផ្ទុះឡើងនៃមេរោគឆ្លងដែលលោកត្រាំ ហៅថា ជាមេរោគចិន។

តាមរយៈដំណើរទស្សនកិច្ចនៅទីក្រុងឡុងដ៍លោក Mike Pompeo បានថ្លែងអំណរគុណដល់លោកនាយករដ្ឋមន្រ្តី Boris Johnson ចំពោះការបញ្ឈប់បញ្ជាទិញគ្រឿងអេឡិចត្រូនិចរបស់ក្រុមហ៊ុន Huawei ពីបណ្តាញទូរស័ព្ទចល័ត 5G របស់ខ្លួនដោយនិយាយថាវាគឺជាការសម្រេចចិត្តត្រឹមត្រូវព្រោះទិន្នន័យអាចត្រូវធ្លាក់នៅក្នុងដៃរបស់បក្សកុម្មុយនីស្តចិន។

លោក Pompeo បានប្រាប់អ្នកយកព័ត៌មានរួមជាមួយរដ្ឋមន្រ្តីការបរទេសអង់គ្លេសលោក Dominic Raab ថា“ យើងសង្ឃឹមថាយើងអាចបង្កើតសម្ព័ន្ធភាពមួយដែលយល់ពីការគំរាមកំហែងរបស់ចិន ហើយនឹងធ្វើការរួមគ្នាដើម្បីបង្ហាញគណបក្សកុម្មុយនីស្តចិនថាវាមិនមែនជាផលប្រយោជន៍ល្អបំផុតរបស់ពួកគេក្នុងការប្រព្រឹត្តអាកប្បកិរិយាដូចនេះទេ” ។ យើងចង់ឃើញប្រជាជាតិទាំងអស់ដែលយល់ពីសេរីភាព លទ្ធិប្រជាធិបតេយ្យ យល់ពីការគំរាមកំហែងដែលគណបក្សកុម្មុយនិស្តចិនកំពុងប្រឈមមុខនឹងពួកគេ។

ស្របពេលមានការអំពាវនាវរបសសហរដ្ឋអាមេរិក ប្រទេសចិនដែលមានទំហំសេដ្ឋកិច្ច ១៥ ពាន់ពាន់លានដុល្លារមានទំហំធំជាងចក្រភពអង់គ្លេសចំនួន ៥ ដងនោះបានព្រមានថា ការសម្រេចចិត្តដកក្រុមហ៊ុន Huawei ដែលជាក្រុមហ៊ុនផលិតឧបករណ៍ទូរគមនាគមន៍ធំជាងគេបំផុតនៅលើពិភពលោកនឹងធ្វើឱ្យប៉ះពាល់ដល់សេដ្ឋកិច្ចអង់គ្លេសតាមរយៈការធ្វើពាណិជ្ជកម្មនិងរារាំងការវិនិយោគរបស់ចិន ដែលតម្រូវអោយអងគ្លេសធ្វើការពិចារណាឡើងវិញនូវការសម្រេចចិត្តបែបនេះ។