រថយន្តសាំយ៉ុងមួយគ្រឿងកំពុងតែធ្វើដំណើរសុខៗស្រាប់តែបែកកង់រេចង្កូតបុកទ្រូងផ្លូវក្រឡាប់ផ្ងារជើងទ្រមេឃ!

កណ្ដាល÷រន្ធត់ខ្លាំងណាស់រថយន្តសាំយ៉ុងមួយគ្រឿងកំពុងតែបើកសុខសុខស្រាប់តែបែកកង់រេចង្កូតបុកទ្រូងផ្លូវបាក់ជើងទ្រមេឃបង្កឱ្យមានការភ្ញាក់ផ្អើលកាលពីវេលាម៉ោង៣នឹង១០នាទី ថ្ងៃទី១ ខែតុលា ឆ្នាំ២០២១ ស្ថិតនៅតាមបណ្ដោយផ្លូវជាតិលេខ ៣ ភូមិជីមី ឃុំស្បែង ស្រុកកណ្ដាលស្ទឹង ខេត្តកណ្ដាល។តាមប្រភពព័ត៌មានពីម្ចាស់រថយន្តបានឲ្យដឹងថាមុនពេលកើតហេតុរូបគាត់បានធ្វើដំណើរចេញពីខេត្តកំពតឆ្ពោះទៅផ្សានាគមាសក្រុងភ្នំពេញ គោបំណងដឹកសំបកបាវយកទៅដាក់ឲ្យម៉ូយរូបគាត់ជាអ្នកបើករថយន្តសាំយ៉ុងពណ៌លឿងពាក់ស្លាកលេខតាកែវ2A-2352ក្នុងទិសដៅពីកើតមកលិចស្រាប់តែមកដល់ត្រង់ចំណុចកើតហេតុរថយន្តរបស់គាត់ក៏បានបែកកង់ក៏រេចង្កូតបុកជាមួយនឹងទ្រូងពុះចែកផ្លូវបណ្ដាលឲ្យរថយន្តក្រឡាប់ផ្ងារជើងទ្រមេឃបង្កឱ្យមានការភ្ញាក់ផ្អើលដល់បងប្អូនប្រជាពលរដ្ឋតាមបណ្ដោយផ្លូវតែសំណាងល្អមិនមានអ្នកណារងរបួសក្នុងហេតុការណ៍នេះឡើយ។

ក្រោយកើតហេតុសមត្ថកិច្ចមូលដ្ឋានក៏ចុះមកដល់មើលឃើញថាករណីគ្រោះថ្នាក់ចរាចរណ៍ខាងលើនេះមិនប៉ះពាល់ដល់សម្បត្តិរដ្ឋទើបសមត្ថកិច្ចប្រាប់ឲ្យម្ចាស់រថយន្តទំនាក់ទំនងទៅខាងរថយន្តស្ទូចដើម្បីស្ទូចយករថយន្តចេញពីកន្លែងកើតហេតុយកទៅជួសជុលដោយខ្លួនឯង។