ក្រុងសាក្រេប៖ ពិតជាគួរឲ្យចម្លែកមែន គេឃើញមានរណ្ដៅរាយប៉ាយ ប្រមាណជាង ១០០រណ្តៅ បង្កើតបានរន្ធបាយ ខុម នៅលើដីស្រែ ភាគកណ្ដាល ប្រទេសក្រូអាស៊ី ដែល រណ្ដៅ ខ្លះ ឃ្លាត ចម្ងាយតែ ប៉ុន្មានពីផ្ទះសម្បែងពលរដ្ឋក្រោយគ្រោះរញ្ជួយដីដ៏គ្រោះ ថ្នាក់មួយដែលបានកើតឡើងកាលពីខែធ្នូ ។
រណ្ដៅទាំងនេះ ចាប់ផ្ដើមបង្ហាញរូបរាងរយៈពេលប៉ុន្មានថ្ងៃក្រោយ គ្រោះរញ្ជួយដី កម្រិត ៦,៤ រីចទ័រដែលបានឆក់យកជីវិតមនុស្ស ៧ នាក់និងបំផ្លាញអគាររាប់ រយ ជុំវិញ ទីក្រុងផេទ្រីនចាកាលពីពេលថ្មីៗនេះ ដោយមានអង្កត់ផ្ចិតធំរហូតដល់២៥ ម៉ែត្រ រណ្ដៅនាគបានបង្កការបញ្ហាចោទដល់សុវត្ថិភាពចំពោះ សហគម ក្នុង ការ កសាងភូមិឋានឡើង វិញ។ ការបាក់ច្រោះបានកើត ឡើងពេលទឹកក្រោមដីបានហូរច្រោះកម្រាលក្រួសខាងក្រោមដែលមានតួនាទីទ្រ សម្ពាធដីខាងលើ។
បើតាមប្រធានវិស្វកម្មមកពីផ្នែកសិក្សាភូមិសាស្ដ្រជាតិក្រូអាស៊ីលោក Stjepan Terzic បានប្រាប់អ្នកសារព័ត៌មានថា រន្ធនាគទាំងនោះគ្រាន់តែជាអភូតហេតុធម្មជាតិ ធម្មតានៅមិនទាន់មានការយកចិត្ដទុកដាក់ចំពោះបញ្ហានេះខ្លាំងនៅឡើយទេ។ក្រោយហេតុការណ៍រញ្ជួយដីដែលនៅតែអង្រួនតំបន់នេះបានជំរុញឱ្យមានការហូរ ច្រោះ ជារន្ធនាគកាន់តែច្រើន ។
បន្ថែមពីលើនេះលោក Stjepan Terzic បាន និយាយបន្តថា « ដូច្នេះ ក្នុង រយៈ ពេល ខ្លី រណ្ដៅ នាគ ដ៏ ច្រើនបន្ដកើតឡើងរយៈពេលជាច្រើនទសវត្សរ៍ទៀតបើមិនគិតដល់រយៈពេលយូរអង្វែង » ។
រណ្ដៅជាច្រើនដែលមានសណ្ឋានដូចជាស្រះតូចៗ ដោយមានទឹកដ៏ថ្លាឈ្វេងបាន ក្លាយ ជា រន្ធបាយខុម នៅ តាម ដី កសិដ្ឋាន ជុំវិញ ភូមិ មេខេនកានី និង ភូមិ បូរ៉ូជេវីស៊ី ។ ក្រុម អ្នក ជំនាញ បាន អំពាវនាវ ឱ្យ មាន ការ យកចិត្ដ ទុក ដាក់ បន្ថែម នូវ រយៈ ពេល ប៉ុន្មាន សប្ដាហ៍ ខាង មុខ ខណៈ កម្រិត ទឹក ក្រោម ដី អាច នឹង កើនឡើងនានិទាឃរដូវ ដែលគំរាមកំហែងពីការបាក់ដីបន្ដទៀត ៕
