កំពុងតែប្រកួត កីឡាករ២រូប ត្រូវប្តូរចេញភ្លាមៗ ព្រោះមានចោរលួចចូលផ្ទះ និងចាប់គ្រួសារ ជាចំណាប់ខ្មាំង

កីឡា ៖ កីឡាករ Angel Di Maria ត្រូវប្តូរចេញភ្លាមៗ ដើម្បីប្រញាប់ទៅផ្ទះ ដែលជាទីកន្លែងដែលចោរបានលួចចូល និងចាប់គ្រួសារ របស់គេជាចំណាប់ខ្មាំង។

កីឡាករ Angel Di Maria យ៉ាងណាមិញ អំឡុងពេលការប្រកួតដូចគ្នា កីឡាករ Marquinhos ក៏មានចោរលួចចូលទៅក្នុងផ្ទះរបស់គេដូចគ្នាដោយបានចាប់ឪពុកម្តាយរបស់កីឡាកររូបនេះធ្វើជាចំណាប់ខ្មាំង។

ចំណែកកីឡាករ Marquinhos បន្ទាប់ពីកើតហេតុបានប្រហែល ១ម៉ោងហើយរួច នាយករបស់ក្លិប Paris Saint-German លោក Leonardo បានប្រាប់ព័ត៌មាននេះទៅកាន់គ្រូបង្វឹកក្រុម Paris Saint-German គឺលោក Mauricio Pochettino ឲ្យផ្លាស់កីឡាករ Angel Di Maria ចេញ។

កីឡាករ Angel Di Maria បានចាកចេញពីកីឡដ្ឋាន Parc des Princes យ៉ាងប្រញាប់ទាំងទឹកមុខក្រៀមក្រំដោយបារម្ភពីគ្រួសាររបស់គេ។ ប៉ូលីសកំពុងតែបើកការស៊ើបអង្កេតទៅលើហេតុការណ៍ទាំង ២នេះ ហើយក្លិប Paris Saint-German អះអាងថាពួកគេនឹងជួយឲ្យអស់ពីលទ្ធភាពទៅលើការស៊ើបអង្កេតមួយនេះផងដែរ៕