បាត់ដំបង៖ កម្លាំងសមត្ថកិច្ចស្រុកថ្មគោលថ្ងៃទី២៣ ខែឧសភា ឆ្នាំ២០២១ វេលាម៉ោង០៩៖០០នាទី បានឃាត់ខ្លួនចោរម្នាក់ឈ្មោះ ចក់ កុយ ភេទប្រុសអាយុ ២៩ឆ្នាំរស់នៅភូមិទំនាប ឃុំតាម៉ឺន ស្រុកថ្មគោលក្នុងករណីបទលួចដែករបស់ជនរង គ្រោះឈ្មោះ ឆោម ហ៊ួត ភេទប្រុសអាយុ៥៥ឆ្នាំរស់នៅភូមិគោកត្រប់ ឃុំតាម៉ឺន ស្រុកថ្មគោល កាលពីថ្ងៃទី២២ ខែឧសភានៅវេលាម៉ោង២៣៖០០នាទី នៅចំណុចក្រុមទី០៥ ភូមិទំនាប ឃុំតាម៉ឺន ស្រុកថ្មគោលបន្ទាប់បានធ្វើសកម្មភាព លួចនៅស្រុកថ្មគោល ។
យោងតាមរបាយការណ៍ពីកម្លាំងសមត្ថកិច្ចជំនាញបានឲ្យដឹងថា សម្ភារៈដកហូតបាន រួមមាន ដែកទីបមូលចំនួនះ១០ ដើម ដែកបន្ទះចំនួន ០១ដើមកន្លះ ដែកទីបជ្រុងចំនួន០៤ដើម ដែកកែងLចំនួន០១ដើម ដែក១០លីចំនួន១២ដើម សំណាញ់ដែកចំនួន០៥ដុំ និងដែកកាយ៉េចំនួន០២ដុំ ។
បច្ចុប្បន្នឃាត់ខ្លួនបណ្ដោះអាសន្នដើម្បីធ្វើការស្រាវជ្រាវជាបន្តក្រុមជនប្រព្រឹត្តិផ្ទន្ទាទោសតាមផ្លូវច្បាប់ ។ខាងជំនាញបានរៀបចំសំណុំរឿងដើម្បីចាត់វិធានការទៅតាមនិតិវិធី ៕
