តាងនាមគណៈអចិន្ត្រៃយ៍គណៈកម្មាធិកាគណបក្សមូលដ្ឋានយុវជនសេដ្ឋកិច្ចរាជធានីភ្នំពេញ នៃគណបក្សប្រជាជនកម្ពុជា រួមទាំងថ្នាក់ដឹកនាំ សមាជិក សមាជិកា នៃគណបក្សមូលដ្ឋានយុវជនសេដ្ឋកិច្ចរាជធានីភ្នំពេញ ដែលជា សិស្ស និស្សិត យុវជន វិនិយោគិន ពាណិជ្ជករ អាជីវករ សហគ្រិន ឧស្សាហករ សិប្បករ ធុរជនទីផ្សារបណ្ដាញ វេជ្ជបណ្ឌិត ឱសថការី គិលានុបដ្ឋាក ឆ្មប ទន្តពេទ្យ អ្នកលក់ឱសថ អ្នកអភិវឌ្ឍដីធ្លី និងសំណង់ អ្នកវាយតម្លៃ និងភ្នាក់ងារអចលនវត្ថុ តាមវិស័យ តាមផ្នែក និងក្នុងនាមខ្ញុំផ្ទាល់ សូមសម្តែងនូវមនោសញ្ចេតនារីករាយ និងអំណរសាទរយ៉ាងជ្រាលជ្រៅក្នុងឱកាសដែលសន្និបាតគណៈកម្មាធិការកណ្តាលគណបក្សប្រជាជនកម្ពុជា លើកទី៤៣ អាណត្តិទី៥ នាថ្ងៃសុក្រ ទី២៤ ខែធ្នូ ឆ្នាំ២០២១ សម្រេចជាឯកច្ឆ័ន្ទបន្តគាំទ្រ សម្តេចអគ្គមហាសេនាបតីតេជោ ហ៊ុន សែន ជាបេក្ខភាពនាយករដ្ឋមន្ត្រី និងជ្រើសតាំង ឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្រ្តីសម្រាប់ពេលអនាគត។
ជាការពិតណាស់ ឯកឧត្តមបណ្ឌិត ហ៊ុន ម៉ាណែត គឺជាយុវជនបន្តវេនពោរពេញដោយសក្តានុពល និងជាឥស្សរជនខ្មែរវ័យក្មេងដ៏ឆ្នើមមួយរូប ប្រកបដោយសមត្ថភាព ទេពកោសល្យ បទពិសោធន៍ គុណធម៌ សីលធម៌ ចរិយាសម្បត្តិ និងភាពជាអ្នកដឹកនាំជាន់ខ្ពស់ ដែលតែងតែចូលរួមយ៉ាងសកម្មក្នុងបេសកកម្មដើម្បីបម្រើជាតិ មាតុភូមិ និងប្រជាជនកម្ពុជា ជាពិសេសក្នុងដំណាក់កាលប្រយុទ្ធ និង ទប់ស្កាត់ការឆ្លងរីករាលដាលនៃជំងឺកូវីដ-១៩ ពោលគឺ ពិតជាសក្តិសមបំផុតសម្រាប់ធ្វើជាបេក្ខភាពនាយករដ្ឋមន្ត្រីសម្រាប់ពេលអនាគត។
យើងខ្ញុំទាំងអស់គ្នាមានក្តីសង្ឃឹមយ៉ាងជឿជាក់មុតមាំថា ឯកឧត្តមបណ្ឌិត ហ៊ុន ម៉ាណែត នឹងបន្តវេន ដឹកនាំជាតិ មាតុភូមិ ការពារបូរណភាពទឹកដី លើកកម្ពស់កិត្យានុភាពជាតិ រក្សាសុខសន្តិភាព និងដឹកនាំអភិវឌ្ឍន៍ឱ្យកាន់តែរីកចម្រើនឈានឆ្ពោះទៅរកភាព សម្បូរសប្បាយរុងរឿងលើគ្រប់វិស័យ។
ជាថ្មីម្តងទៀត យើងខ្ញុំសូមគោរពជូនពរ ឯកឧត្តមបណ្ឌិត និង លោកជំទាវ ព្រមទាំងបុត្រាបុត្រី សូម ប្រកបដោយ សុខភាពល្អ អាយុយឺនយូរ ដើម្បីបំពេញបេសកកម្មដ៏ឧត្តុង្គឧត្តមរបស់ ឯកឧត្តមបណ្ឌិត ជានិច្ចនិរន្តរ៍។
សូម ឯកឧត្តមបណ្ឌិត មេត្តាទទួលនូវគារវកិច្ចដ៏ខ្ពង់ខ្ពស់អំពីយើងខ្ញុំ
