ភ្នំពេញ ៖ មានការភ្ញាក់ផ្អើលទាំងកណ្តាលយប់តែម្តង ខណៈមនុស្សប្រុសស្រីចំនួន៣នាក់ បានលោតទម្លាក់ខ្លួនចូលទឹកទន្លេកម្ពស់៥ម៉ែត្រ ចុះទៅក្រោម ជាបន្តបន្ទាប់ ដោយផ្ញើរកូនតូចនៅជាមួយគេ ដើម្បីលោតចុះទៅជួយបុរសម្នាក់ ដែលលោតមុននេះ ព្រោះតែតូចចិត្ត ឃាត់កុំឲ្យឈ្លោះគ្នា តែគ្មានអ្នកស្តាប់ ។
ករណីនេះបានបង្កការភ្ញាក់ផ្អើលដល់ប្រជាពលរដ្ឋ នាំគ្នាជួយ សង្គ្រោះ ចងខ្សែ ទាញ ឡើង មក លើគោក វិញទាំង៣នាក់ជាបន្តបន្ទាប់ មានទាំងអ្នករបួសធ្ងន់ និងស្រាល ត្រូវបានបញ្ជូនទៅកាន់មន្ទីរពេទ្យ កាលពីវេលាម៉ោង ១និង២០នាទីយប់ ឈានចូលថ្ងៃទី៩ ខែធ្នូ ឆ្នាំ២០២១ នៅចំណុចផ្លូវទន្លេសាប ក្បែរសណ្ឋាគារសុខា ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
ប្រភពព័ត៌មានពីស្ត្រីម្នាក់ ដែលនៅក្នុងេហតុការណ៍ បានឲ្យដឹងថា បានឲ្យដឹងថា មុនពេលកើតហេតុ ពួកគាត់មានគ្នា៤នាក់ ជាប្តីប្រពន្ធនឹងគ្នា ពោលគឺ២គូ បានរាប់អានគ្នាជាបងប្អូនធម៌នឹងគ្នា ដោយបានបបួលគ្នាមកអង្គុយផឹកស៊ីជុំគ្នា នៅចំណុចកើតហេតុ លុះស្រវឹងរៀងខ្លួនបន្តិច ពេលនោះប្តីរបស់គាត់ បានលេងស្និទ្ធិជាមួយនឹងប្រពន្ធរបស់បងធម៌ ទើបគាត់មានចិត្តប្រច័ណ្ឌនឹងឈ្លោះគ្នាជាមួយប្រពន្ធ ប្តីរបស់គាត់ក៏បានឃាត់កុំឲ្យយល់ច្រឡំ និងឈប់ឈ្លោះគ្នាទៅ តែគ្មានអ្នកស្តាប់សោះ ទើបប្តីគាត់អន់ចិត្តឡើងលើបង្កាន់ដៃ ក៏លោតចូលទៅក្នុងទឹក ដែលមានកម្ពស់៥ម៉ែត្រ បណ្តាលឲ្យរបួសធ្ងន់ ឃើញប្តីគាត់លោត ប្រពន្ធបងធម៌ក៏លោតទឹកតាម ដើម្បីជួយ លុះឃើញប្រពន្ធរបស់គាត់លោតទឹក បុរសជាបងធម៌នោះ ក៏ផ្ញើកូនតូចនៅជាមួយគេ ហើយលោតថែមម្នាក់ទៀតតែម្តង ដើម្បីជួយ ផ្អើលប្រជាពលរដ្ឋ នាំគ្នា ជួយ សង្គ្រោះ ចងខ្សែ ទាញ ឡើង មក លើគោក វិញទាំង៣នាក់ជាបន្តបន្ទាប់ មានទាំងអ្នករបួសធ្ងន់ និងស្រាល ត្រូវបានបញ្ជូនទៅកាន់មន្ទីរពេទ្យ បែបនេះតែម្តង៕
