គ្រាន់តែចូលដល់ដើមខែ វិច្ឆិកាភ្លាម នៅ សុីនឿន ស្រាប់តែដឹកដៃភរិយា ជិះឧបម្ថភាគចក្រ តុបតែងកាយបែប កូនកម្លោះក្រមុំ ដើម្បីថតរូបស្អាត ផ្តិតយកទុកជាកាដូស្នេហ៍ នាថ្ងៃរៀបការខែក្រោយ ខែធ្នូ ឆ្នាំ២០២១ខាងមុខ។ លោកនិងប្រពន្ឋ បានតស៊ូ អត់ធ្មត់យូរខែមកហើយ ដោយរង់ចាំថ្ងៃពិសេស ។ បើកុំមានរបថកូវីដ១៩ មកដល់លោកប្រហែលជា ចូលរោងការ បាត់ទៅហើយ។សូមអបអរ នៅ សុីនឿន នឹងចូលរោងការ នាថ្ងៃទី២២ ខែធ្នូ ឆ្នាំ២០២១ ដោយលោក នៅ សុីនឿន ត្រៀមជះលុយពាន់ៗ ដុល្លារ ដោយចាត់ចែងលើ អូតែលផ្កាយ៥មួយ កន្លែង នៅកណ្តាលក្រុងភ្នំពេញរៀបការ។ នេះជាព្រឹត្តិការណ៍សិល្បៈមួយ ដែលនឹងកើតឡើងចុងឆ្នាំ២០២១ លើវិស័យសិល្បៈ។ មហាជន អបអរលោក នៅ សុីនឿន ដែលបានតស៊ូទ្រាំរហូតបានរៀបការពេញមុខ។
នៅ សុីនឿន និង គូដណ្តឹង បានចេញទៅថតPre-Wedding ចំណាយលុយអស់សន្ឋឹក ថតរូបទាំងតែងជាបុរាណ និងសម័យ ថតគ្រប់កន្លែង តាំងពីតាមព្រៃភ្នំ ទឹកជ្រោះ និង តាមមាត់សមុទ្រ ដើម្បីទុកជាឯកសារ និងបង្ហាញដល់ភ្ញៀវកិត្តិយស ដែលមកជូនពរជ័យ។ លោករៀបការហើយ អាចនឹងមិនទាន់ចេញទៅរស់នៅ អាមេរិកទេ។ ប៉ុន្តែពេលនេះ លោកមិនទាន់បោះបង់សិល្បៈនោះឡើយដោយថែមទាំងលេចឭថា ជិតចេញបទចម្រៀងថ្មី ថែមទៀតផង។ មហាជននៅរង់ ចាំតាមដានដំណឹងល្អមួយនេះ ដោយរំពឹងកូនកម្លោះកូនក្រមុំពិតជា ស្រស់ស្អាតមិនចាញ់គ្នា។
ហោចណាស់ជិត៤ឆ្នាំ ក្រោយភ្ជាប់ពាក្យ នៅ សុីនឿន មិនទាន់ចូលរោងការ។ ធ្វើអោយមហាជនលើកឡើងថា នៅ សុីនឿនដែលមាន គូដណ្តឹងនៅអាមេរិក ប្រហែលជាមិនរៀបការនោះទេ យោងលើពេលរៀបពិធីភ្ជាប់ពាក្យ នៅ សុីនឿន ធ្វើឡើងប្រហែលការដែរ។ ក្រោយមកក៍ស្ងាត់ដំណឹង ជ្រើសរើសពាលាជ័យក្នុងថ្ងៃសំពះផ្ទឹមមក ទល់ពេលនេះ។ ទើបតែមានប្រភពមួយ បានទម្លាយថា នៅ សុីនឿន តារារូបសង្ហាប្រចាំផលិតកម្ម ហង្សមាស រូបនេះ រកបានថ្ងៃពិសេសរបស់ខ្លួនរួចហើយ នឹងប្រារព្ឋឡើងខែធ្នូឆ្នាំ២០២១។
នៅ សុីនឿន បញ្ជាក់ប្រាប់Pich News TV យើងថា លោកនៅតែបន្តសិល្បៈព្រោះថា ជាអ្វីដែលតស៊ូយូរមកហើយទំរាំល្បីឈ្មោះ ។ លោតត្រៀមបង្កើតមុខរបរថ្មីជាមួយភរិយា ដោយសុំលាក់សិន រង់ចាំអោយល្អជាងនេះលោកនឹង ប្រកាសប្រាប់។ ចំពោះការចេញទៅនៅ អាមេរិកគឺអាចទៅមកៗ ភាគច្រើនបើរវល់ចាំបាច់ទើបទៅ។ លោកពិតជារៀបការ ដោយកំណត់យកថ្ងៃ២២ ធ្នូ ២០២១ ខាងមុខនោះមែន។ នេះជាអ្វីដែលលោកទន្ទឹងរង់ចាំយូរមកហើយ ក្រោយភ្ជាប់ពាក្យច្រើនឆ្នាំ។
