ភ្នំពេញ: រថយន្តtoyota priusមួយគ្រឿងបានជ្រុលទៅបុកខឿនផ្លូវបណ្ដាល្យប្រះបែកបន្តិចបន្តួច ឯរថយន្ដរងការខូចខាតយ៉ាងដំណំ។ហេតុការណ៍នេះកើតឡើងកាលពីវេលាម៉ោង ១១ និង ១០ នាទីយប់ថ្ងៃទី ១៩ ខែតុលា ឆ្នាំ ២០២១ នៅចំណុចស្តុបឬស្សីផ្អែម ខាងជើងវត្តឬស្សីស្រាញ់ប្រមាណជាង១០០ម៉ែត្រ តាមបណ្តោយផ្លូវ ៣០ ម៉ែត្រកែងនឹងផ្លូវ ៥០ម៉ែត្រក្នុងសង្កាត់ព្រៃសខណ្ឌដង្កោ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្តtoyota priusមួយគ្រឿងពណ៌ស្កពាក់ស្លាកលេខភ្នំពេញ2AZ-2587ធ្វើដំណើរតាមដងផ្លូវ ៣០ម៉ែត្រទិសដៅពីលិចទៅកើតលុះមកដល់ចំណុចស្តុបបែកជាបួនកែងនឹងផ្លូវ៥០ ម៉ែត បានរេចង្កូតមកខាងស្ដាំដៃជ្រុលបុកខឿនផ្លូវពេញទំហឹងបណ្ដាលឲ្យខឿនផ្លូវប្រេះបែកបន្តិចបន្តួច ចំណែករថយន្តបង្កមិនទាន់អស់ល្បឿនបានជ្រុលទៅមុខប្រហែល១០ម៉ែត្របែកកង់ខាងមុខខាងឆ្វេង និងបែកម៉ាស៊ីនហូរប្រេងពេញផ្លូវទៅមុខលែងរួច។
ក្រោយកើតហេតុគេឃើញសមត្ថកិច្ចមូលដ្ឋានបានចុះមកពិនិត្យនៅកន្លែងកើតហេតុ បន្ទាប់មកម្ចាស់រថយន្តបង្ករបានហៅមិត្តភ័ក្កិយករថយន្តមួយគ្រឿងទៀតមកអូសចេញពីកន្លែងកើតហេតុដើម្បីយកទៅជួសជុលដោយខ្លួនឯង៕
