សមត្ថកិច្ចដេញតាមឃាត់ខ្លួនបានម្នាក់ និងដកហូតម៉ូតូចំនួន៤គ្រឿង ចំណែកបក្ខពួកផ្សេងទៀតកំពុងគេចខ្លួន

ភ្នំពេញ ៖ នៅចំណុចផ្លូវបេតុងតាមបណ្តោយផ្លូវតាំងកសាង ភូមិចំការឪឡឹក២ សង្កាត់កាកាបទី២ ខណ្ឌពោធិ៍សែនជ័យ។ ជនសង្ស័យដែលសមត្ថកិច្ចឃាត់ខ្លួនមានឈ្មោះ សំបុណ្យ ពុទ្ធិជ័យ អាយុ១៨ឆ្នាំ មុខរបរមិនពិតប្រាកដ ស្នាក់នៅផ្ទះជួលក្នុងភូមិក្រាំងអង្ក្រង ខណ្ឌសែនសុខ។មុនពេលកើតហេតុជនសង្ស័យ២នាក់ ជិះម៉ូតូហុងដាឌ្រីមទាំង២គ្រឿង បានចេញធ្វើសកម្មភាពឆក់យកទូរស័ព្ទពីស្ត្រីម្នាក់នៅផ្លូវបេតុងមុខវត្តតាំងកសាង ក្នុងភូមិចំការឪឡឹក២ សង្កាត់កាកាបទី២ ខណ្ឌពោធិ៍សែនជ័យ ហើយព្យាយាមគេចខ្លួន តែត្រូវសមត្ថកិច្ចដេញឃាត់ខ្លួនបានម្នាក់ភ្លាមៗ ។