ក្នុងវគ្គបង្ហាញបេក្ខភាពផ្លូវការទាំង២០ រូប Press Presentation បវរកញ្ញាឯកកម្ពុជា Miss Cambodia ឆ្នាំ២០២១ ស្រីស្អាត ម៉ៅ រស្ម្សី ដែលញញឹមរួសរាយ ឃើញថា មានការតាមដាន និងឆក់ចិត្តអ្នកមើលច្រើន។ អ្នកខ្លះថែមទាំងបាន ដាក់ការទស្សន៍ទាញថា នាងនឹង មានវាសនាល្អ ឆ្លងវគ្គមួយទៅវគ្គមួយបាន ហើយអាចដល់ជុំចុងក្រោយ។
កាលពីពេលថ្មីៗនេះ កញ្ញាម៉ៅ រស្មី្ស និង បណ្តាបេក្ខភាពជាច្រើនទៀត ដែលមាន២០រូប បានឡើងឆាកប្រកួតបង្ហាញសមត្ថភាពលើកដំបូង ដោយមានផ្សាយបន្តផ្ទាល់លើកញ្ចក់ទូរទស្សន៍។ ម្នាក់ៗបានផ្ចិតផ្ចង់ ដើរកាច់រាង ញញឹមញញែម ដើម្បីអោយគណៈកម្មាការវាយ តម្លៃ ក្នុងការប្រកួតកញ្ញាឯក កម្ពុជា ឆ្នាំ២០២១នេះ។ ជាការមើលឃើញ នាង ម៉ៅ រស្ម្សី ឃើញថាលោតជាងគេ ក្នុងការឆក់ចំណាប់អារម្មណ៍ទាំងទឹកមុខ កាយវិការ និងរបៀបណែនាំខ្លួន។ នេះជាការមើលឃើញមួយ តែក៍មិនអាចដឹង ប្រែប្រួលបែបណា ព្រោះមានបេក្ខភាពល្អៗ ច្រើនទៀតសុទ្ឋតែខំតស៊ូយកជ័យជម្នះ។
ការប្រកួតបរវកញ្ញាកម្ពុជាកំពុងតែមានការគាំទ្រ ពីអ្នកស្រលាញ់វិស័យបង្ហាញម៉ូដ និងអ្នកដែលចូលចិតការប្រកួតប្រជែងសម្រស់ ជាពិសេសបានធ្វើឲ្យវិស័យបង្ហាញម៉ូដមួយនេះនៅតែមានការរីកចម្រើនឡើង ទោះបីជាក្នុងអំឡុងវិបត្តិកូវីដ១៩ក៏ដោយ។ មិនតែប៉ុណ្ណោះ ការប្រកួតប្រជែងសម្រស់មួយនេះ កំពុងតែមានការស៊ែរ Like ដើម្បីឈ្នះការបោះឆ្នោតយកកញ្ញាឯកប្រជាប្រិយតាមរយៈបណ្តាញសង្គមផងដែរ។ មិនដឹងថាឆ្នាំនេះស្រីស្អាត រូបណាជាប់លេខ១ ពាកមកុដ និងក្លាហានជាងគេ។
