តារាសម្តែង លី ណូរ៉ា បានធ្វើអោយខ្លួនឯងចាប់គន្លឹះបានហើយ ក្នុងនាមជាតួអង្គកាច វាយស្រីៗ ធ្វើអោយទស្សនិកជនខ្លះ អោយតែឃើញមកក្នុងបទចម្រៀងថ្មីៗម្តងៗគឺក្នាញ់តារានេះណាស់។ យ៉ាងណាលី ណូរ៉ា អត់ប្តូរជំហរឡើយ លោកនៅតែទទួលថតសម្តែងជាតួកាច ចរិកព្រាននារី ព្រោះមើលទៅជាបទពិសោធន៍ ដែលលោកចង់បាន។
លី ណូរ៉ា បានស្ថិតក្នុងតួអង្គកំពូល លេងត្រេមុខមាំទាំ ប្រើចង្កូមខ្លាចេញអំណាចដាក់ តួអង្គស្រី ដែលបានសម្តែងជាមួយគ្នាក្នុងបទចម្រៀងមួយឈ្មោះថា «ចង់តែយកស្រីដូចគ្នាធ្វើជាប្តីប្រពន្ឋ»៕ ឆាកសម្តែង លី ណូរ៉ា ហាក់ចេញចរិកព្រាន មកទៀតហើយ លួងស្រី បោកស្រីដើម្បីតណ្ហា។ យ៉ាងណាមិញ ឃើញថា មានអ្នកលើកឡើងថា លោកពូកែដាក់អារម្មណ៍ហើយ រមែងធ្វើបានល្អ រហូតអ្នកដឹកនាំទុកចិត្តហើយ ផ្តល់ឱកាសការងារ អោយបានចេញមុខថតចម្រៀង ជាហូរហែរ។បើទោះជាលី ណូរ៉ា ជាប់ឈ្មោះជាតារាសម្តែង បែបណា ក៍លោកនៅតែទទួលយកឱកាសពង្រីក ស្នាដៃលើអាជីពរបរថ្មី ដោយកំពុងសិក្សានាំប្រេនផលិតផលមួយចូលផ្តាច់មុខ។ លោកកំពុងសិក្សាទីផ្សារ ដោយរំពឹងថានិងបើកដំណើរការខាងមុខឆាប់ៗ។
