ភ្នំពេញ÷រថយន្ត២គ្រឿងបុកគ្នាពេញទំហឹងតាមបណ្ដោយផ្លូវ ២០០៤ ក្នុងសង្កាត់អូបែកក្អម ខណ្ឌសែនសុខ រាជធានីភ្នំពេញ កាលពីវេលាម៉ោង ១២:១៥នាទីយប់ ឈានចូលថ្ងៃទី ២៧ ខែកញ្ញា ឆ្នាំ ២០២១បណ្ដាលឲ្យរថយន្តទាំងពីរ រងការខូចខាតយ៉ាងដំណំតែសំណាងល្អមិនបណ្ដាលឲ្យអ្នកណារងរបួសក្នុងហេតុការណ៍នេះឡើយ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេបានឃើញរថយន្តfortunerមួយគ្រឿងពណ៌សពាក់ស្លាកលេខភ្នំពេញ2BB..-9956 ធ្វើដំណើរតាមបណ្ដោយផ្លូវ ២០០៤ ក្នុងទិសដៅពីលិចមកកើតស្រាប់តែមកដល់ត្រង់ចំណុចកើតហេតុផ្លូវបែកជាបួនក៏មានរថយន្តព្រូសមួយគ្រឿងពណ៌ទឹកប្រាក់ពាក់ស្លាកលេខភ្នំពេញ2AX-4082ធ្វើដំណើរតាមបណ្ដោយផ្លូវន័រប្រីដទិសដៅពីជើងមកត្បូងកាត់ពីមុខរថយន្ត fortunerចាប់ប្រាំងមិនទាន់ក៏បុកពីក្រោយពេញទំហឹងបណ្ដាលឲ្យរថយន្តទាំង ពីររងការខូចខាតយ៉ាងដំណំតែសំណាងល្អមិនបណ្ដាលឲ្យមានអ្នកណារងរបួសក្នុងហេតុការណ៍នេះឡើយ។ក្រោយកើតហេតុសមត្ថកិច្ចជំនាញចរាចរណ៍ខណ្ឌសែនសុខចុះមកដល់កន្លែងកើតហេតុក៏ធ្វើការវាស់វែងយករថយន្តទាំង ពីរ មកឯម្ខាងដើម្បីឲ្យភាគីទាំងពីរធ្វើការចរចាគ្នាដើម្បីបញ្ចប់រឿងនៅហ្នឹងកន្លែង។
