កណ្តាល៖មានករណីគ្រោះថ្នាក់ចរាចរណ៍មួយបានកើតឡើងកាលពីវេលាម៉ោង ១ និង ៤៥ នាទី ថ្ងៃ២៣ ខែកញ្ញា ឆ្នាំ២០២១ ស្ថិតនៅភូមិព្រែកសំរោង ២ សង្កាត់សំរោង ក្រុងទឹកខ្មៅ ខេត្តកណ្ដាល។
តាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេបានឃើញរថយន្តយីឌុបមួយគ្រឿងពាក់ស្លាកលេខបាត់ដំបង-3A-1476 ធ្វើដំណើរក្នុងទិសដៅពីកើតមកលិចក្នុងល្បឿនលឿនប្រាំងមិនស៊ីក៏រេចង្កូតបុកទ្រូងពុះចែកផ្លូវបាក់អស់ ៤ កង់ចំណែករថយន្តមិនអស់ល្បឿនក៏ជ្រុលទៅបុកជាមួយនឹងរបងសាលាបណ្ដាលឲ្យរថយន្តរងការខូចខាតយ៉ាងដំណំតែសំណាងល្អមិនបណ្ដាលឲ្យអ្នកណារងរបួសក្នុងហេតុការណ៍នោះឡើយ។
ក្រោយកើតហេតុសមត្ថកិច្ចមូលដ្ឋានក៏ចុះមកដល់កន្លែងកើតហេតុក៏ធ្វើការត្រួតពិនិត្យទៅលើស្ថានភាពនៃការខូចខាតដោយឃើញថារថយន្តខាងលើនេះបានធ្វើឲ្យខូចខាតផលប្រយោជន៍របស់សម្បត្តិរដ្ធ ទើបសមត្ថកិច្ចមូលដ្ឋានទំនាក់ទំនងទៅសមត្ថកិច្ចជំនាញផ្នែកចរាចរណ៍ក្រុងឱ្យចុះមកយករថយន្តទៅរក្សាទុកនៅស្នងការនគរបាលក្រុងរងចាំធ្វើការដោះស្រាយគ្នានៅពេលក្រោយ។
