តារាចម្រៀងតូចច្រឡឹង សំឡេងឆ្វាច ឈួន សុវណ្ណឆៃ បានចេញចម្រៀងមួយបទ បទបែបលក្ខណៈដើមយ៉ាងពិរោះ បែបចង្វាក់ប្រពៃណីជាតិ។ នោះជាបទរស់ សេរីសុទ្ឋា មានចំណងជើងថា «បាំងមួយខែទៀតភ្ជុំ»៕ ក្រៅពីនេះ បានរំលេចនូវ ឈុតសម្លៀកបំពាក់ ប្រពៃណីខ្មែរ អាវប៉ាក់ ផាមួង ហូល យ៉ាងស្រស់ប្រណិត តែម្តង។
អ្នកនាង ឈួន សុវណ្ណឆៃ អោយតែជិតរដូល បុណ្យទានធំៗ រមែងចំណាយ ដើមទុនចេញថត បទចម្រៀងផ្ទាល់ខ្លួន លក្ខណៈMV ទាំងបទចាស់ និងបទថ្មី។ ដោយសារមានបេះដូង ដិតដាមជាមួយសិល្បៈ ទើបអ្នកនាង មិនដែលមើលរំលង ហើយនាំសិល្បករថ្មីចាស់មួយចំនួន មកជួបជុំគ្នាថតសម្តែង យ៉ាងរីករាយនិង មានអនុស្សាវរីយ៍។ ទោះបច្ចុប្បន្នអ្នកនាង រស់នៅសោយសុខ មានលុយឡានល្អ ផ្ទះធំខ្ពស់ក៍ អ្នកនាងមិនមើលចោល នូវអតីតកាលជាតារាធ្លាប់តស៊ូនោះឡើយ។
ចំពោះបទ«បាំងមួយខែទៀតភ្ជុំ» ជាចង្វាក់ សារ៉ាវ៉ាន់ ដែលមុិច ជាមួយឧបករណ៍ភ្លេងទំនើប គ្រាន់តែបានស្តាប់ហើយចង់ឡើងរាំគ្រប់គ្នាតែម្តង។ នៅមានបទផ្សេងៗទៀត ដែល សុវណ្ណឆៃរំលេច និងកសាងបាន អោយមហាជនបានទស្សនាឆ្នាំនេះ។ បើទោះផ្អាកឡើងឆាក ក៍អ្នកនាងនៅតែ ខំដើរថតសម្តែង កុំអោយមហាជនភ្លេចមុខ ។ តោះទស្សនាបទចម្រៀងរបស់ ឈួន សុវណ្ណឆៃដូចតទៅ៖
