ភ្នំពេញ: រថយន្តTOYOTA HILUX ,VIGOមួយដើមបោះពួយក្នុងល្បឿនលឿនខណៈផ្លូវកោងបួងចង្កូតមិនទាន់ជ្រុលចង្កូតឡើងលើខឿនផ្លូវទៅបុកបង្គោលភ្លើងបំភ្លឺផ្លូវ១ដើមបណ្ដាលឲ្យបាក់ដួលរលំសង្កត់លើរបង ឯរថយន្តខ្ទេចមួយកំណាត់មុខលេងទៅរួច។
ហេតុការណ៍នេះកើតឡើងកាលពីវេលាម៉ោង១ យប់រំលងអាធ្រាត្រឈានចូលថ្ងៃទី១៧ ខែកញ្ញាឆ្នាំ ២០២១ នៅតាមបណ្ដោយផ្លូវR5 ក្នុងបរិវេណបឹងកក់ ស្ថិតក្នុងសង្កាត់ស្រះចកខណ្ឌដូនពេញ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្ត TOYOTA HILUX VIGO មួយគ្រឿង ពណ៌ស្ករពាក់ស្លាកលេខកំពង់ចាម2A-6262ធ្វើដំណើរតាមបណ្ដោយផ្លូវ R5 ទិសដៅពីកើតទៅលិចក្នុងល្បឿនលឿន លុះមកដល់ចំណុចកើតហេតុខាងលើជួននិងផ្លូវកោងបួងចង្កូតមិនទាន់រេងង្កូតមកខាងស្តាំដៃឡើងលើខឿនផ្លូវ ជ្រុលទៅបុកបង្គោលភ្លើងបំភ្លឺផ្លូវ១ដើមបណ្ដាលឲ្យបាក់រលំសង្កត់លើរបង ឯរថយន្តខូចខាតផ្នែកខាងមុខយ៉ាងដំណំទៅមុខលែងរួច។បន្ទាប់មកតែកុងរថយន្តបានគេចខ្លួនចេញពីកន្លែងកើតហើតបាត់។
ក្រោយកើតហេតុសមត្ថកិច្ចមូលដ្ឋានបានចុះមកដល់និងមានសន្តិសុខក្រុមហ៊ុនចុះមកពិនិត្យនៅកន្លែងកើតហេតុដោយរង់ចាំម្ចាស់រថយន្តចូលមកដោះស្រាយជាមួយក្រុមហ៊ុនដើម្បីបញ្ចប់រឿង៕
