ភ្នំពេញ៖ បុរសម្នាក់បេីកបររ៉ឺម៉កដឹកបន្លែក្នុងល្បឿនលឿនគេចពីរ៉ឺម៉កដឹកបន្លែមួយគ្រឿងទៀតដែលត្រូវម៉ូតូបុកក៏រេចង្កូតទៅបុករថយន្តចំនួន២គ្រឿងដែលកំពុងឈប់ចាំស្តុបបណ្តាលឱ្យរងការខូចខាតយ៉ាងដំណំ។
ហេតុការណ៍ នេះបានកេីតឡេីងកាលពីវេលាម៉ោង១០និង២០នាទីយប់ថ្ងៃទី៨ ខែកញ្ញា ឆ្នាំ២០២១ នៅចំណុចស្តុបឃ្លាំងរំសេវ តាមបណ្តោយផ្លូវ៤៣០ កែងផ្លូវម៉ៅសេទុង ស្ថិតក្នុងសង្កាត់ផ្សារដេីមគរ ខណ្ឌទួលគោក ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្ត២គ្រឿង ដោយមួយគ្រឿងម៉ាកព្រូស ពណ៌ស ពាក់ស្លាកលេខភ្នំពេញ2BL 3979 និងមួយគ្រឿងទៀតម៉ាកតាកូម៉ា ពណ៌ទឹកប្រាក់ ពាក់ស្លាកលេខភ្នំពេញ2AX 7086 ធ្វេីដំណេីរតាមបណ្តោយផ្លូវម៉ៅសេទុង ក្នុងទិសដៅពីក្បូងទៅជេីងខណៈមកដល់ចំណុចកេីតហេតុក៏បានឈប់រងចាំភ្លេីងស្តុបពណ៌ខៀវ។
ប្រភពដដែលបានបន្តថា បន្ទាប់មកស្រាប់តែមានរ៉ឺម៉កដឹកបន្លែមួយគ្រឿងធ្វេីដំណេីរតាមបណ្តោយផ្លូវ៤៣០ ក្នុងទិសដៅពីលិចទៅកេីតលុះធ្វេីដំណេីរមកដល់ចំណុចកណ្តាលស្តុបស្រាប់តែមានបុរសម្នាក់ជិះម៉ូតូហុងដាឌ្រីមសង់ធ្វេីដំណេីរតាមបណ្តោយផ្លូវម៉ៅសេទុងក្នុងល្បឿនលឿនក៏ជ្រុលបុកចូលក្រោយរ៉ឺម៉ករងការខូចខាត។ ភ្លាមនោះក៏មានបុរសម្នាក់ទៀតបេីកបររ៉ឺម៉កដឹកបន្លែធ្វេីដំណេីរស្របជាមួយរថយន្តមកពីក្រោយវ៉ាបំណងបត់ឆ្លងផ្លូវទៅផ្លូវ៤៣០ ហេីយបានគេចពីរ៉ឺម៉កនិងម៉ូតូគ្រោះថ្នាក់ខាងមុខក៏ទាញចង្កូតមកក្រោយវិញជ្រុលបុករថយន្តទាំង២គ្រឿងបណ្តាលឱ្យរងកាតខូចខាតយ៉ាងដំណំ។
ក្រោយកេីតហេតុភាគីម៉ូតូនិងរ៉ឺម៉កដែលបុកគ្នាសម្រួលគ្នាទៅបាត់អស់ ដោយឡែករថយន្តទាំង២គ្រឿងរួមទាំងរ៉ឺម៉កមួយគ្រឿងទៀតសម្របសម្រួកគ្នាមិនត្រូវទេីបសមត្ថកិច្ចធ្វេីការវាស់វែងយកទៅរក្សាទុករងចាំដោះស្រាយពេលក្រោយ៕
