កុងតៃន័របើកប៉ះម៉ូតូ រេចង្កូតទៅបុករថយន្តនីសាន់ក្រឡាប់ទូសង្កត់ពីលើសំណាងល្អ មិនបណ្តាលអោយមានអ្នករងរបួស

ព្រះសីហនុ ៖ រថយន្តកុងតៃន័រមួយគ្រឿងបើកប៉ះម៉ូតូZOOMER រួចរេចង្កូតទៅបុករុញរថយន្តនីសាន់ ធ្លាក់ទ្រុង ទូកុងតៃន័រសង្កត់ជាប់ពីលើរថយន្តនីសាន់ សំណាងល្អមិនបង្កឲ្យមានអ្នករងរបួសដល់ថ្នាក់ធ្ងន់នោះទេ កាលពីវេលាម៉ោង១៧និង៣៥នាទីល្ងាច ថ្ងៃទី០១ ខែកញ្ញា ឆ្នាំ២០២១ ស្ថិតនៅលើតាមផ្លូវជាតិលេខ៤ ចន្លោះគីឡូម៉ែត្រលេខ១៨៥-១៨៦ ក្នុងភូមិត្រពាំងស្អុយ២ ឃុំអណ្តូងថ្ម ស្រុកព្រៃនប់ ខេត្តព្រះសីហនុ ។

សមត្ថកិច្ចឲ្យដឹងថាករណីគ្រោះថ្នាក់ចរាចរណ៍មួយ រវាងរថយន្តកុងតឺន័រ មួយគ្រឿង ម៉ាក Peterliet ពណ៌ស ពាក់ស្លាកលេខ ភ្នំពេញ 3D-1286 អ្នកបើកបរ (គេចខ្លួនបាត់) ក្នុងទិសដៅខេត្តព្រះសីហនុ-រាជធានីភ្នំពេញ លុះមកដល់ចំណុចកើតហេតុខាងលើបានបុកនឹង ម៉ូតូមួយគ្រឿង ម៉ាកZomer ពណ៌ក្រហមលាយខ្មៅ ពាក់ស្លាកលេខ ព្រះសីហនុ 1E-5824 អ្នកបើកបរ (មិនទាន់ស្គាល់អត្តសញ្ញាណ) ដែលមានទិសដៅស្របគ្នា និងបានរេចង្កូតទៅបុករថយន្តមួយគ្រឿងទៀត ម៉ាក Nissan Navira ពណ៌ស ពាក់ស្លាកលេខ ភ្នំពេញ 2AU-2961 អ្នកបើកបរឈ្មោះ សុង ពិសី ភេទប្រុស អាយុអាយុ៤៩ឆ្នាំ ទីលំនៅភូមិ១សង្កាត់២ ក្រុង+ខេត្តព្រះសីហនុ ករណីខាងលើមិនបណ្ដាលឲ្យមានមនុស្សរងរបួសទេ ។
បច្ចុប្បន្ន រថយន្តទាំង ២ គ្រឿង និងម៉ូតូ កំពុងរង់ចាំរថយន្តស្ទូច ដើម្បីស្ទូចយកទៅរក្សាទុកនៅអធិការរដ្ឋាននគរបាលស្រុកព្រៃនប់។