ទ្រី ដារ៉ាវុធផ្ចង់អារម្មណ៍រើសប្រុសស្អាតស្រីស្អាតដើម្បីបំណងមួយ

តារាសម្តែងនិងពិធីករ ទ្រី ដារ៉ាវុធ បានបង្ហាញនូវសកម្មភាពថ្មីនៅលើ វិស័យសិល្បៈតាមរយៈការផ្តល់តួនាទីជា គណៈកម្មាការនៃ ការជ្រើសរើស បុរសសង្ហាឆ្លាតវៃ ស្រីស្អាតឆ្លាតវៃនៃកម្មវិធី« Face of Cambodia 2021»៕ នេះជាការបន្ថែមបទពិសោធន៍ថ្មីបន្តទៀតលើវិស័យ ប្រឡងនឹងការឃ្លាំមើលតាមដានបេក្ខជនឆ្ពោះទៅឆាកអន្តរជាតិ។

បើគិតមកទល់ពេលនេះ ទ្រី ដារ៉ាវុធ បានអុកឡុកវិស័យសិល្បៈបានច្រើនទម្រង់រួចមកហើយដូចជា សម្តែង ពិធីករ និងការដើរបង្ហាញម៉ូដ។ លោកក៍មានប្រវត្តិចេញទៅប្រឡងនៅឯប្រទេសក្រៅ ជាមួយគូប្រកួតផ្សេងៗទៀត ដែលស្រូបបានបទពិសោធន៍លើឆាក អន្តរជាតិ និងការងារបែបបរទេស បានច្រើន។ ដូចនេះហើយតំណែង ជាគណៈកម្មាការដែលលោក ច្បាមបានហើយមានការជឿជាក់ពីមេកើយឃើញថា ដារ៉ាវុធពិតជាធ្វើបានល្អសម្រាប់បេសកម្មមួយនេះ។

ចាប់តាំងជាប់ចំណាត់ថ្នាក់ Freshie លេខ១រួច កម្លោះសង្ហា ទ្រី តារាវុធ កាន់តែមានឈ្មោះល្បីល្បាញក្នុងសង្គមសិល្បៈរហូតមានការងារច្រើនគួរឲ្យកត់សម្គាល់។ ម្យ៉ាងវិញទៀត គេតែងតែឃើញតារារូបនេះតែងតែទទួលបានតំណែងជាតួឯកប្រុសសឹងតែគ្រប់ខ្សែភាពយន្តតែម្ដង។ មូលហេតុដែលលោកអាចមានក្លាយជាតួឯកបាន ក៏ព្រោះតែមានទាំងសមត្ថភាព និងរូបសម្បត្តិស្អាតផងដែរ។ជាមួយគ្នានេះដែរ ស្របពេលការងារសិល្បៈកាន់តែជោគជ័យពីមួយឆ្នាំទៅមួយឆ្នាំ ថ្មីៗនេះ លោក ទ្រី តារាវុធ បានសាងសង់ផ្ទះថ្មីយ៉ាងស្កឹមស្កៃ ព្រមទាំងមានរចនាម៉ូតផ្ទះយ៉ាងល្អប្រណីត។ លើសពីនេះទៅទៀត ផ្ទះរបស់លោកបានសង់នៅទីធ្លាធំទូលាយ ក្នុងបរិយាកាសយ៉ាងស្រស់ស្រាយទៀតផង។