ភ្នំពេញ ៖ ផ្ទះស្តុបគ្រឿងអគ្គីសនី មួយកន្លែងដែលមានទីតាំង នៅតាមបណ្ដោយផ្លូវ៤០៤ ស្ថិតក្នុងសង្កាត់ទំនប់ទឹក ខណ្ឌបឹងកេងកង ត្រូវបានអគ្គិភ័យឆាបឆេះយ៉ាងសន្ធោសន្ធៅបង្កការភ្ញាក់ផ្អើលដល់សមត្ថកិច្ចចេញរថយន្តពន្លត់អគ្គីភ័យមកអន្តរាគមន៍ កាលពីវេលាម៉ោង ៦និង ៤០នាទីព្រឹក ថ្ងៃទី១៩ សីហា ឆ្នាំ២០២១ ។
យោងតាមប្រភពព័ត៌មានពីកន្លែង កើតហេតុបានឲ្យដឹងថា ទីតាំងផ្ទះល្វែងខាងលេីជាកន្លែងស្តុបគ្រឿងអគ្គីសនីនៅជាន់ទី២ នៅពេលកេីតហេតុ ស្រាប់តែ ឃេីញមានហ៊ុយផ្សែងខ្មៅចេញពីជាន់ទី២ លាយជាមួយនិងអណ្ដាតភ្លើងយ៉ាងសន្ធោសន្ធៅ ទេីបបង្កការភ្ញាក់ផ្អើលដល់ប្រជាពលរដ្ឋស្រែក ឆោឡោទេីប នាំគ្នាជួយ យកបំពង់ពន្លត់អគ្គិភ័យមកបាញ់ពន្លត់ អស់ជាច្រើនបំពង់ តែមិនអាចគ្រប់គ្រងអណ្ដាតភ្លើងបាន ទេីបរាយការណ៍ជូនអាជ្ញាធរមូលដ្ឋានមានសមត្ថកិច្ចដេីម្បីសុំជំនួយរថយន្ដពន្លត់អគ្គីភ័យចេញអន្តរាគមន៍ផងតែម្ដង ។
ជាមួយគ្នានោះ មន្រ្តីជំនាញការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថា ក្នុងហេតុការណ៍នេះដែរ គឺកម្លាំងអន្តរាគមន៍មានពិបាកបន្តិចក្នុងការជួយបាញ់ពន្លត់ដោយសារតែក្នុងផ្ទះបានស្តុបគ្រឿងអគ្គីសនីច្រេីនពេក ។
ក្នុងហេតុការណ៍នេះមានបុរសម្នាក់បានរលាកខ្លួនបន្តិចបន្ទួចក្នុងការចូលទៅយកសម្ភារ: ដោយមិនមានមនុស្សណាម្នាក់គ្រោះថ្នាក់ដល់អាយុជីវិតនោះឡេីយ ។ និងមិនរាលដាលដល់ផ្ទះរបស់ប្រជាពលរដ្ឋជិតខាងនោះទេ ។ ចំពោះមូលហេតុ នៃការឆាប់ឆេះផ្ទះស្តុបគ្រឿងអគ្គីសនីខាងលេីនេះវិញ សមត្ថកិច្ច សង្ស័យថា បណ្ដាលមកពីឆ្លងចរន្តអគ្គីសនី ៕
