ប្រយ័ត្នខកជើង! លក្ខខណ្ឌ និងឯកសារ ដែលអ្នកត្រូវដឹង មុនទៅចាក់វ៉ាក់សុំាងដូសទី៣

ក្រសួងសុខាភិបាល បានចេញសេចក្ដីជូនដំណឹង ស្ដីពីការចាក់ វ៉ាក់សាំងកូវីដ-១៩ (អាស្រ្តាហ្សេនីកា) ដូសជំរុញ ឬដូសទី៣ នៅរាជធានីភ្នំពេញ។
បើយោងតាម សេចក្ដីប្រកាសរបស់ក្រសួងសុខាភិបាល បានឱ្យដឹងថា មុនទៅចាក់វ៉ាក់សាំងដូសជំរុញ ឬ ដូសទី៣ត្រូវដឹងលក្ខខណ្ឌ និងឯកសារទាំងនេះ៖
១.លក្ខខណ្ណក្នុងការចាប់វ៉ាក់សុំាងដូសជំរុញ ឬដូសទី៣៖
អ្នកដែលអាចចាក់វ៉ាក់សាំងដូសជំរុញ ឬ ដូសទី៣ដោយប្រើប្រាស់វ៉ាក់សាំងអាស្ត្រាហ្សេនីកាអំឡុង ពេលនេះ ត្រូវគោរពទៅតាមលក្ខខណ្ឌដូចខាងក្រោម៖
-អ្នកដែលបានចាក់វ៉ាក់សាំងស៊ីណូហ្គាម ឬ ស៊ីណូវ៉ាក់រួចរាល់ទាំង២ដូស ហើយត្រូវមានគម្លាតពី៦ ទៅ ៨ខែ បន្ទាប់ពីដូលទី១
-ចំពោះអ្នកដែលបានចាក់វ៉ាក់សាំងអាស្ត្រាហ្សេនីកាពុំទាន់មានការណែនាំណាមួយក្នុងការចាក់ វ៉ាក់សាំងដូសជំរុញ ឬ ដូសទី៣ នៅឡើយទេ។ ដូចនេះ គ.វ.ក-១៩ និងធ្វើសេចក្តីជូនដំណឹងជាបន្ត បន្ទាប់ទៀត នៅពេលដែលមានការណែនាំណាមួយ ជាក់លាក់ទាក់ទងនឹងការចាក់វ៉ាក់សាំងដូស
ជំរុញ ឬដូសទី៣នេះ។
២.ឯកសារត្រូវភ្ជាប់ជាមួយនៅពេលទៅចាក់វ៉ាក់សាំងដូសជំរុញ ឬ ដូសទី៣៖
ចំពោះក្រុមគ្រូពេទ្យជួរមុខ និងមន្ត្រីរាជការស៊ីវិល និងអាជ្ញាធរមូលដ្ឋាននានាដែល បានចាក់វ៉ាក់ សាំងស៊ីណូហ្វាម ឬស៊ីណូវ៉ាក់ ដូសទី១ និងដូសទី២រួចរាល់ ហើយត្រូវចាក់វ៉ាក់សាំងដូសជំរុញ ឬ ដូសទី៣ ដែលត្រូវភ្ជាប់មកជាមួយនូវឯកសារដូចខាងក្រោម៖
-ប័ណ្ណចាក់វ៉ាក់សាំងកូវីដ-១៩
-ប័ណ្ណសម្គាល់ខ្លួនមន្ត្រីរាជការ ឬ ប័ណ្ណសម្គាល់មន្ត្រីជាប់កិច្ចសន្យា
-អត្តសញ្ញាណប័ណ្ណសញ្ជាតិខ្មែរ ឬឯកសារដែលប្រើប្រាស់ក្នុងការចុះឈ្មោះកាលពីចាក់វ៉ាក់សាំងដូសទី១