វិចិត្រករជនជាតិអង់គ្លេសម្នាក់ឈ្មោះ Justin Bateman មានគំនិតច្នៃប្រឌិតប្រកបដោយទេព្យ កោសល្យខ្ពស់បានបង្កើតជាស្នាដៃសិល្បៈ យ៉ាងរស់រវើកមួយគួរឲ្យទាក់ទាញ និងមានតម្លៃបំផុត ដោយគ្រាន់តែប្រើប្រាស់បំណែកដែលមាននៅក្នុងធម្មជាតិដូចជាគ្រាប់ក្រួស អាចម៍ផ្កាយ ថ្មតូចៗ ប៉ុនណោះ ។
វិចិត្រករ Justin Bateman បានបង្កើតផ្ទាំងរូបបណ្ដោះអាសន្ន នៃរូបមនុស្ស សត្វ គំនូរល្បីៗ និងរូបចម្លាក់ ដែលវិចិត្រកររូបនេះបានហៅស្នាដៃរបស់ខ្លួនឯងថា «សិល្បៈលើដី» ។ មិនតែប៉ុណោះលោកចូលចិត្តសិល្បៈប្រភេទនេះ ដោយសារតែវាជាស្នាដៃបណ្ដោះអាសន្ន និងមិនអាចផ្លាស់ទីបាន។ ត្រង់នេះហើយទើបវាមានតម្លៃខ្លាំង ។
សូមជម្រាបថា វិចិត្រករ Justin Bateman គេសង្កេតឃើញថា លោកតែងតែបានបង្ហាញគំនិតឆ្នៃប្រឌិតរបស់ខ្លួនតាមរយៈការរំលេចចេញនូវបុគ្គលល្បីៗនៅលើពិភពលោក និងរូបដែលទាក់ទាញបំផុត ដើម្បីបង្កើតនូវស្នាដៃរបស់លោកគួរឲ្យកោតសរសើរនេះឡើង ៕
