ភ្នំពេញ៖ តារាចម្រៀងស្រីសាច់សខ្ចីកញ្ញា វីរៈ និច្ច ពេលនេះបានសម្រេចចិត្តបង្ហាញម្ចាស់បេះដូងរបស់ ខ្លួនដែលមានរាងខ្ពស់សង្ហា បានធ្វើឲ្យអ្នកគាំទ្រ និងហ្វែនៗជាច្រើនបានឃើញហើយមានការ ភ្ញាក់ផ្អើលរួមទាំងសម្តែងនូវទឹកចិត្តត្រេកអរ និងរំភើបជំនួសចំពោះគូរស្នេហ៍នេះ ដោយមានចាស់ទុំដឹង ឮផងដែរ ។
រឿងរំភើបចិត្តនេះត្រូវតារាចម្រៀង វីរៈ និច្ច បានទម្លាយឲ្យមហាជនដឹងនៅថ្ងៃទី៤ ខែសីហា ឆ្នាំ២០២១ នេះចំថ្ងៃដែលចាស់ទុំចូលចែចូវស្តីដណ្តឹងតាមប្រពៃណីទំនៀមទម្លាប់របស់ខ្មែរ ។ តាមរយៈរូបថតដែល បានបង្ហោះនោះគេសង្កេតឃើញថា គូរស្នេហ៍អ្នកទាំងពីរនេះពិតជាសិក្ដសមជាមួយគ្នាណាស់ ។
ក្រៅពីក្រុមគ្រួសាររបស់គូរស្នេហ៍នេះក៏មានវត្តមានរបស់តារាចម្រៀងដ៏ល្បីឈ្មោះមួយរូបទៀតផងដែរ ដែលបានចូលរួមក្នុងពិធីគួរឲ្យរីករាយនេះគឺតារាចម្រៀងសំនៀងក្រអួន និងរូបសង្ហា ខាន់ ជេមស៍ ដែលថ្មីៗនេះតារាចម្រៀងរូបនេះក៏កំពុងតែកាក់កបក្នុងជំនួញរបស់ខ្លួនផងដែរក្រៅពីអាជីបចម្រៀង ៕
