តារាចម្រៀងល្បីមួយរូបរបស់កម្ពុជា អ្នកនាង ស៊ុន ស្រីពេជ្រ ត្រូវបានមហាជនមួយចំនួនបានដាក់នាមឲ្យថាជាតារាចម្រៀងទេសចរណ៍ ដោយសារបទចម្រៀងរបស់តារារូបនេះភាគច្រើនច្រៀងពាក់ព័ន្ធនឹងតំបន់ទេសចរណ៍នៅកម្ពុជាដូចជាបទ«អនុស្សាវរីយ៍តាតៃ»ជាដើម រួបផ្សំនឹងសម្លេងទន់ផ្អែមមុតបានធ្វើឲ្យមានការគាំទ្រជាខ្លាំង រហូតធ្វើឲ្យទីផ្សារការងាររបស់អ្នកនាងមមាញឹកខ្លាំងគួរសម ។
ជាក់ស្តែងថ្មីៗនេះក្រោយពីតារាចម្រៀងរូបនេះបានចូលស្ទូឌីយោដើម្បីថតបទថ្មីគឺបទចម្រៀងច្រៀងរៀបរាប់ពីតំបន់ទេសចរណ៍មួយ មិនត្រូវបានគេបង្ហើបឲ្យដឹងពីចំណងជើង និងម្ចាស់បទជានណានោះទេ ។ ខណៈនោះស្រាប់តែលេចមុខអតិថិជនម្នាក់ដែលធ្លាប់និយាយគ្នាពីការផលិតបទចម្រៀងច្រៀងរៀបរាប់ពីតំបន់ទេសចរណ៍មួយផ្សេងទៀត ប៉ុន្តែនាងត្រូវពន្យារពេលទៅខែក្រោយវិញ ដោយនាងជាប់រវល់ពេក។
កាលពីថ្ងៃទី២៦ ខែកក្កដា ឆ្នាំ២០២១ តារាចម្រៀង ស៊ុន ស្រីពេជ្រ បានបង្ហោះសារក្នុងបណ្ដាញសង្គមហ្វេសប៊ុកបន្ទាប់ពីចេញពីស្ទូឌីយោថតសំឡេងត្រូវបានម្ចាស់គណនីហ្វេសប៊ុកមួយឈ្មោះ Nita Yongបានសួរថា ចុះបទអូនថតពេលណាបង? ។ ភ្លាមៗតារាចម្រៀងរូបនេះស៊ុបានឆ្លើយតបវិញថា«បទនេះថតឲ្យគេទេអូន…បទយើងចាំខែក្រោយ» ។ ប៉ុន្តែទោះបីយ៉ាងណាក្តីម្ចាស់បទបានតបថា «ចា៎បង ប្អូនទន្ទឹងចាំស្ដាប់សំឡេងបងទៀតហើយ» ៕
