ភ្នំពេញ៖ អ្នកនាង សុខ ចាន់ធីតា ហៅកាតុ ដែលគេដឹងថាអ្នកនាងជាតារាពហុជំនាញដ៏មានប្រជាប្រិយភាពមួយរូបក្នុងប្រទេសកម្ពុជា ដែលកំពុងតែកាក់កបទាំងការងាររកស៊ី ការងារសិល្បៈ និងអ្វីដែលពិសេសជាងនេះទៀតនោះអ្នកនាងបានឈបង្អួតរាងនៅមុខផ្ទះវីឡាទោលមួយតម្លៃរាប់ម៉ឺនដុល្លារ ដោយមហាជនសង្ស័យថាអ្នកនាង និងស្វាមីទិញដើម្បីសម្រេចបំណងរបស់ខ្លួនដែលប៉ងយូរមកហើយ ។
កន្លងមកមហាជន និងអ្នកគាំទ្រធ្លាប់ដឹងថា អ្នកនាង និងស្វាមីមានផ្ទះសម្រាប់ស្នាក់នៅមួយនៅម្ដុំសន្សំកុសល ក្នុងរាជធានីភ្នំពេញ ដែលនោះគឺគ្រាន់តែជាប្រភេទផ្ទះល្វែងធម្មតាតែប៉ុណ្ណោះ ។ ចំណែកផ្ទះវីឡាទោលមួយតម្លៃរាប់ម៉ឺនដុល្លារដែលអ្នកនាងស្វាមី រួមមជាមួយនឹងកូនសម្លាញ់ចិត្តដែលថតបង្ហាញរាងយ៉ាងស្រស់សោភានោះត្រូវបានគេដឹងថាជាបុរី Leng Navatra នៅផ្លូវ 6A ។
បើទោះបីយ៉ាងណាក្តីតារាពហុជំនាញដែលមានវ័យជាង៤០ឆ្នាំរូបនេះនៅតែទទួលបានការគាំទ្រខ្លាំងពីបណ្តាមហាជនទូទៅដោយសារអ្នកនាងពូកែទាំងវោហាសាស្ត្រប៉ិនប្រសព្វទ្រឹស្តីចាក់ទឹកមិនលេចពូកែកម្លែង និងសម្តែងបានគ្រប់ទម្រង់ដែលរហូតដល់ពេលនេះអ្នកនាងកាក់កបទាំងការរកស៊ីទាំងអាជីបសិល្បៈ ៕
