ពោធិ៍សាត់៖ គ្រប់ក្រុមគ្រួសារទាំងអស់សុទ្ធសឹងតែចង់បានគ្រួសារមួយដែលមានសេចក្តីសុខសប្បាយរីករាយសុភមង្គប្រកបដោយភាពកក់ក្តៅ ។ បំណងនេះកើតឡើងបានតម្រូវឲ្យសមាជិកនៅក្នុងគ្រួសារនីមួយៗស្គាល់អំពីតួនាទីរបស់ខ្លួន និងចេះបង្កើតបរិយាកាសល្អនៅក្នុងគ្រួសារបើទោះបីជាមានភារកិច្ចរវល់យ៉ាងណាក្តី ។ ជាក់ស្តែងគេសង្កេតឃើញឯកឧត្តម ម៉ៅ ធនិនអភិបាលខេត្តពោធិ៍សាត់ និងភរិយា ទោះបីជាមមាញឹកការងារខ្លាំងក្តីប៉ុន្តែលោកនៅតែឆ្លៀតឱកាសសម្រាប់ផ្តល់ក្តីស្រលាញ់ ភាពស្និទ្ធស្នាល និងបរិយាកាសរីករាយក្នុងគ្រួសារផងដែរ ។
មហាជននៅក្នុងសង្គមហ្វេសប៊ុកកាលពីពេលថ្មីៗកន្លងទៅនេះ បានឃើញនូវកម្រងរូបភាពយ៉ាងផ្អែមល្អែមរបស់ឯកឧត្តម ម៉ៅ ធនិន ជាមួយនឹងឧត្តមភរិយារបស់ខ្លួនតាមរយៈសកម្មភាពជិះកង់ក្នុងសួនកម្សាន្តប្រកបដោយភាពស្និទ្ធស្នាល និងភាពសប្បាយរីករាយជាខ្លាំង ដែលជាចំណុចមួយយ៉ាងសំខាន់ធ្វើឲ្យចំណងស្នេហ៍របស់លោក និងភរិយាកាន់តែជិតស្និទ្នគ្រួសាររីករាយខ្លាំងឡើងមិនចាញ់គូរស្រករកម្លោះក្រមុំនោះឡើយ ។
បន្ទាប់ពីបានឃើញនូវកម្រងរូបភាពដ៏ស្រស់ស្អាត និងបង្កប់អត្ថន័យខ្លឹមសារពាក់ព័ន្ធនឹងក្តីស្រលាញ់ សុភមង្គគ្រួសារនេះហើយ ពិតជាធ្វើឲ្យមហាជនលួចច្រណែននឹងក្តីសុខរបស់លោកទាំងពីរខ្លាំងណាស់ ដោយក្នុងនោះមានមហាជនមិនតិចទេដែលសុទ្ធសឹងតែចង់បានគ្រួសារប្រកបដោយបិរិកាសរីករាយ សេចក្តីសុខ និងសុភមង្គល ។ ជាក់ស្តែងគេសង្កេតឃើញគណនីហ្វេសប៊ុកមួយឈ្មោះ ChheDon ChheDon បានចូលខំម៉ិនថា«ស្រឡាញ់ ពេញចិត្ត ចូលចិត្ត គាត់ ជាងថ្នាក់ដឹកនាំណាៗទាំងអស់ គាត់សុខទុក្ខរាស្រ្ត»។
សូមជម្រាបថា កិត្តិយសនិងកេរ្តិ៍ឈ្មោះរបស់ឯកឧត្តម ម៉ៅ ធនិន អភិបាលខេត្តពោធិ៍សាត់ មិនត្រឹមតែល្បីសុះសាយ និងដក់ជាប់នូវក្តីស្រលាញ់ពេញចិត្តក្នុងដួងចិត្តប្រជាពលរដ្ឋក្នុងខេត្តនេះប៉ុណ្ណោះនោះទេ ក្នុងនោះគេសង្កេតឃើញប្រជាពលរដ្ឋស្ទើរតែទូទាំងប្រទេសដែលស្រលាញ់ពេញចិត្តរូបលោក តាមរយៈភាពល្បីល្បាញជួយសម្រួល និងដោះស្រាយបញ្ហាក្នុងគ្រួសាររបស់ប្រជាពលរដ្ឋក្នុងខេត្តពោធិ៍សាត់នេះប្រកបដោយភាពសុច្ចរិតយុត្តិធម៌ រហូតដល់រូបលោកត្រូវបានមហាជនហៅថា ប៉ាវចិនខ្មែរទៀតផង ៕
