ចិន៖ មនុស្សចំនួន៨នាក់ បានស្លាប់បាត់បង់ជីវិត និងចំនួន៩នាក់បានបាត់ខ្លួនក្នុងគំនរបាក់បែកនៃការរលំបាក់សណ្ឋាគារSiji Kaiyuan នៅទីក្រុង Suzhou ភាគខាងកើតប្រទេសចិន ។ នេះបើយោងតាមប្រសាសន៍របស់អាជ្ញាធរចិនបានជម្រាបឲ្យដឹងនៅថ្ងៃទី១៣ ខែកក្កដា ឆ្នាំ២០២១នេះ ។
បើតាមអាជ្ញាធរចិនដដែលខាងលើនេះបានឲ្យដឹងបន្តថា ករណីរលំបាក់សណ្ឋាគារដ៏រន្ធត់នេះបានកើតឡើងកាលពីថ្ងៃទី១២ ខែកក្កដា ឆ្នាំ២០២១ម្សិលម៉ិញនេះ ។ អ្នកដែលស្នាក់នៅក្នុងសណ្ឋាគារនេះភាគច្រើនសុទ្ធសឹងតែជាភ្ញៀវ ដែលរហូតដល់ពេលនេះត្រូវបានរាយការណ៍បន្ថែមថាបានបាត់ខ្លួនចំនួន២៣នាក់ និងមនុស្សចំនួន៦នាក់បានជួយសង្គ្រោះ ។
អាជ្ញាធរចិនបានបញ្ជាក់ថា ក្រុមអ្នកជួយសង្គ្រោះប្រមានជាង៦០០នាក់ និងគ្រឿងចក្រចំនួន១២០ គ្រឿង ដើម្បីបញ្ជូនទៅកន្លែងកើតហេតុជួយសង្គ្រោះអ្នកដែលបានបាត់ខ្លួនក្នុងគំនរបាក់បែកនៃ សណ្ឋាគារនេះ ៕
