ភ្នំពេញ៖ មានករណីដែលគួរឲ្យភ្ញាក់ផ្អើលមួយបានកើតឡើងនារីស្រស់ស្អាតវ័យក្មេងម្នាក់ ខណៈកំពុងដើរតាមផ្លូវសុខៗ ស្រាប់តែមានបុរសម្នាក់ជិះរថយន្តម៉ាកតូយ៉ូតាព្រូសមិនចាំស្លាកលេខ ដេញបាញ់រូបនាងសំណាងល្អដែលមិនរងរបួស បង្កការភ្ញាក់ផ្អើលទាំងកណ្តាលយប់កាលពីវេលាម៉ោង១១ និង៣៥នាទី ថ្ងៃទី១១ ខែកក្កដា ឆ្នាំ២០២១ នៅតាមបណ្តោយផ្លូវ៩៣ ស្ថិតក្នុងសង្កាត់ទួលសង្កែ១ ខណ្ឌឫស្សីកែវ ។
បើទោះបីយ៉ាងណាក្តីពាក់ព័ន្ធនឹងករណីដ៏ភ្ញាក់ផ្អើលខាងលើនេះ នារីរងគ្រោះនវគេនៅមិនស្គាល់ឈ្មោះនៅ ឡើយនោះទេគ្រាន់តែដឹងថារូបនាងមានអាយុខ្ទង២០ឆ្នាំ និងមានរូបសម្រស់ស្រស់ស្អាត ។ ពាក់ព័ន្ធ មូលហេតុយ៉ាងណារូបនាងក៏មិនបានប្រាប់ក្រុមអ្នកសារព័ត៌មាននោះឡើយ ខណៈដែលប្រជាពលរដ្ឋមួយចំនួនសង្ស័យថាជាស្នេហាត្រីកោណ ឬគ្រាន់តែជាការបាញ់គំរាមលេងរបស់ជនទំនើងតែប៉ុណ្ណោះ។
ភ្លាមៗនោះបន្ទាប់ពីកើតមានករណីភ្ញាក់ផ្អើលនេះភ្លាមកម្លាំងសមត្ថកិច្ចបានចុះអន្តរាគមន៍ នាំនារីខាងលើទៅធ្វើការសាកសួររកមូលហេតុ ដើម្បីកំណត់អត្តសញ្ញាណជនបង្ក ឈានដល់ការចាប់ខ្លួននាំមកចាត់ការតាមផ្លូវច្បាប់ ៕
