ភ្នំពេញ៖ មានករណីគួរឲ្យភ្ញាក់មួយបានកើតឡើងដោយសារជនសង្ស័យម្នាក់ បានធ្វើសកម្មភាព រកដុតផ្ទះរបស់គេ និងយកដែកឆាបដេញចាក់គេ ត្រូវបានអ្នកជិតខាងជួយចាប់ទាន់ បង្កការភ្ញាក់ផ្អើល កាលពីវេលាម៉ោង៣យប់ថ្ងៃទី៥ ខែកក្កដា ឆ្នាំ២០២១ នៅចំណុចផ្លូវបេតុង ក្នុងសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
បើតាមម្ចាស់ផ្ទះបានឲ្យដឹងថា មុនពេលកើតហេតុរូបគាត់បានដើរចេញផ្ទះពីផ្ទះរបស់គាត់ ដោយសារ ឃើញបុរសម្នាក់ឈរនិយាយនៅមុខផ្ទះគាត់ភ្លាមនោះគាត់បានសួរថាមានរឿងអីបានឈរនៅមុខផ្ទះគាត់ ។ ខណៈនោះជនសង្ស័យបានឆ្លើយថាខ្ញុំចង់សួររកប្អូនប្រុសរបស់ខ្ញុំ ។ ប៉ុន្តែម្ចាស់ផ្ទះឃើញអការៈ ហាក់ប្លែក ដោយសារក្នុងដៃមានកាន់ដបសាំង ។ ភ្លាមនោះជនសង្ស័យនោះបានកាន់ដបសាំងនោះ រត់ចូលក្នុងផ្ទះគាត់ ចាប់រកដុះទើបម្ចាស់ផ្ទះក៏ស្រែកឲ្យប្អូនជួយស្រាប់តែជនសង្ស័យនោះ ទាញយក ដែកឆាបដេញចាក់ម្ចាស់ផ្ទះប៉ុន្តែសំណាងល្អដែលអ្នកជិតខាងបានមកជួយចាប់ទាន់ពេល ។
ភ្លាមៗនោះបន្ទាប់ពីចាប់ជនសង្ស័យបានម្ចាស់ផ្ទះបានប្តឹងទៅសមត្ថកិច្ចប៉ុស្ដិ៍នគរបាលចោមចៅទី២ នៅពេលសមត្ថកិច្ចបានចុះមកដល់ ម្ចាស់ផ្ទះ និងអ្នកក្បែរខាងដែលជួយអន្តរាគមន៍ បានប្រគល់ជន សង្ស័យឲ្យសមត្ថកិច្ចចាត់វិធាការតាមផ្លូវច្បាប់ ៕
