ប្រេស៊ីល៖ មនុស្សប្រមាណ៤នាក់បានស្លាប់យ៉ាងវេទនាក្នងអណ្តាតភ្លើងឆាបឆេះរហូតដាច់ខ្យល់ដែលត្រូវបានគេប្រទះឃើញក្នុងហេតុការណ៍ភ្លើងឆេះព្រៃដ៏ធំបំផុតមិនធ្លាប់មានក្នុងប្រវត្តិសាស្ត្ររបស់ប្រទេសប្រេស៊ីល ។ នេះបើយោងតាមសេចក្តីរាយការណ៍កាលពីពេលថ្មីៗកន្លងទៅនេះ ។
អគ្គីភ័យភ្លើងឆេះព្រៃនេះបានរាលដាលបំផ្លាញដល់ផ្ទះប្រជាពលរដ្ឋ និងបំផ្លាញហេដ្ឋារចនាសម្ព័ន្ធ អស់ជាច្រើននៅក្នុងតំបន់រស់នៅចំនួន១០សហគមន៍ ដែលនៅក្បែរនឹងជួរភ្នំ Troodos ដែលជាតំបន់សម្បូរទៅដោយព្រៃស្រស់ និងកន្លែងដំណាំដាំដុះរបស់ប្រជាពលរដ្ឋ ។ ភ្លាមៗនោះ យន្តហោះពន្លត់អគ្គិភ័យជាច្រើនគ្រឿងបានហោះហើរចេញពីប្រទេសក្រិច និងប្រទេសអ៊ីតាលី ដើម្បីទៅជួយពន្លត់ភ្លើងឆាបឆេះរួមទាំងបញ្ជូនក្រុមពន្លត់អគ្គីភ័យឲ្យទៅជួយអន្តរាគមន៍ផងដែរ ។
សូមជម្រាបថា ចំពោះមូលហេតុនៃការឆាបឆេះចេញជាអណ្តាតភ្លើងឆេះព្រៃក្នុងទ្រងទ្រាយធំនៅប្រទេសប្រេស៊ីលនេះ គេនៅមិនទាន់ដឹងច្បាស់នៅឡើយនោះទេ ។ ប៉ុន្តែទោះបីយ៉ាងណាក្តី ប្រទេសមួយត្រូវបានគេដឹងថា ជួបប្រទះនូវបាតុភូតធម្មជាតិកំដៅកើនឡើងខ្ពស់រហូតដល់៤០អង្សាសេ ៕
