តារាសម្តែងថន ស្រណៃ បានបាត់មុខឈឹងតែម្តងនៅលើដងវិថីសិល្បៈ ទីដែលនាងធ្លាប់ប្រឹងប្រែង កសាងបានស្នាដៃច្រើនបើរំលឹកឡើងវិញ។ ស្រណៃជាអតីតកញ្ញាឯកទេសចរណ៍កម្ពុជា កាលពីច្រើនឆ្នាំមុន។នាងបានធ្លាប់ឆ្លងកាត់វេទិកា ប្រឡងលំដាប់អន្តរជាតិជាមួយ ភាសាអង់គ្លេសអាចប្រើការបាន។
យ៉ាងណាមិញ ថន ស្រីណៃ បានបាត់វត្តមានលើវិស័យសិល្បៈ អស់ជាច្រើនឆ្នាំ ស្របពេលដែល សិល្បៈរបស់នាងចាប់ផ្តើមហក់ឡើង ទទួលបានការគាំទ្រ។ នាងស្រាប់តែនៅជ្រុងម្ខាង ដាច់ឆ្ងាយពីគេយ៉ាងខ្លាំង សឹងថាភ្លេចមុខ។ អ្នកខ្លះថានាង មានស្វាមីហើយធ្វើការនៅក្រុមហ៊ុនមួយ និងមានកូនសម្រាប់មើលថែ។ បើរំលឹក ពីស្រណៃ វិញកាលនៅងារ ជាអ្នកសិល្បៈ ជាតារាដើរបង្ហាញម៉ូដ ប្រចាំក្រុមហ្សូរីដា ហើយក៍ ចាប់ឱកាសក្លាយជាតារាសម្តែង រឿងភាគនិង តារាថតខារ៉ាអូខេ ដែលភាគច្រើនថតអោយផលិតកម្មហង្សមាស សម្តែងជាមួយ ព្រាប សុវត្ថិ ឆន សុវណ្ណារាជជាដើម។
ក្រោយមកស្រាប់តែឃ្លាតឆ្ងាយពី សិល្បៈទាំងកំពុងល្បីឈ្មោះព្រោះនាង ក៍អត់ធ្មត់ព្យាយាមតស៊ូ លើអាជីពសិល្បៈណាស់ទំរាំមានគេស្គាល់។ចុងក្រោយបែរជា បាត់ដំណឹងឈឹងហើយក៍នៅប្រកបការងារផ្សេង ក្រៅពីសិល្បៈទៅវិញ។
