កំពង់ចាម៖ មានករណីដែលភ្ញាក់ផ្អើលមួយបានកើតឡើង ដោយសត្វគោបាចំនួន០២ក្បាល ត្រូវក្រុមខិលខួចបានលួចដាក់ថ្នាំបំពុលក្នុងស្មៅ ឱ្យស្លាប់ ក្រោយមកទើបម្ចាស់ប្រទះឃើញដេកងាប់នៅភូមិគងជ័យ ឃុំព្រែកកុយ ស្រុកកងមាស ខេត្តកំពង់ចាម កាលពីព្រឹកថ្ងៃទី២៣ ខែមិថុនា ឆ្នា២០២១នេះ ។
បើតាមបើតាមពលរដ្ឋឈ្មោះ លោក ឈិន វ៉ាន់ហឿន ដែលជាម្ចាស់គោទាំងពីរក្បាលនោះបានឲ្យដឹងថា សត្វគោបាទាំង២ក្បាលនេះមានតំលៃសរុបប្រមាណជា៦ពាន់ដុល្លារ ត្រូវបានជនសង្ស័យដាក់ថ្នាំបំពុលក្នុងស្មៅក្រោយផ្ទះលុះព្រឹកឡើងម្ចាស់គោបានទៅយកស្មៅនោះមកឲ្យគោស៊ីដោយមិនដឹងថាក្នុងស្មៅមានថ្នាំពុលទេក្រោយពីសត្វគោស៊ីស្មៅនោះហើយស្រាប់តែដេកងាប់នៅក្នុងក្រោលតែម្តង ។
បើទោះបីយ៉ាងណាក្តី ក្រៅពីការសោកស្តាយគោបារបស់ខ្លួនដែលបានស្លាប់ ម្ចាស់គោបានសម្រេចចិត្តដាក់ពាក្យបណ្តឹងឲ្យសមត្ថកិច្ច ជួយវែកមុខ ស្វែងរកជនខិលខូចដែលមានបំណងអាក្រក់ដើរបំផ្លាញទ្រព្យសម្បត្តិរបស់អ្នកដ៏ទៃយកមកផ្តន្ទាទោសតាមច្បាប់ ៕
