ប្លែកទៀតហើយ ត្រឹមតែជាបុរសធម្មតាម្នាក់ប៉ុន្តែអាចឆក់យកចិត្តនារីកំពូលស្នេហ៍ពីរនាក់ ឲ្យចូលរោងការជាមួយគ្នាក្នុងថ្ងៃតែមួយ !

ឥណ្ឌា៖ ពិតជាមិនធម្មតាទេដែលបុរសម្នាក់ឈ្មោះ Arjun មកពីភូមិ Ghanpur ខេត្ត Telangana ប្រទេសឥណ្ឌា បានរៀបការជាមួយស្ត្រីពីរនាក់មានឈ្មោះ Usharani និង Surekha នៅក្នុងពិធីមង្គលការមួយជាមួយគ្នាកាលពីពេលថ្មីកន្លងទៅនេះ ។

នារីពីររូបខាងលើនេះគឺជាកូនស្រីមីងរបស់ខ្លួន ដែល Arjun បានចាប់ចិត្តស្រឡាញ់អស់រយៈពេល៤ ឆ្នាំ មកហើយ ។ មុនឈានដល់ការរៀបមង្គលការនេះត្រូវបានគេដឹងថាបុរសរូបនេះបានបញ្ចុះបញ្ចូលគ្រួសាររបស់នាងព្រមទាំងសាច់ញាតិក្រុមគ្រួសាររបស់គាត់ឲ្យផ្សំផ្គុំពួកគេ ។ នៅទីបំផុត មង្គលការអ្នកទាំងបីក៏ត្រូវបានធ្វើឡើងយ៉ាងអធឹកអាធម ។
បើទោះបីយ៉ាងណាក្តី អ្នកស្រុកក្នុងភូមិបាននិយាយថានេះគឺជាអាពាហ៍ពិពាហ៍ដែលមិនធ្លាប់មានពីមុនមក នៅក្នុងភូមិរបស់ពួកគេ មិនតែប៉ុណ្ណោះអាពាហ៍ពិពាហ៍បែបនេះក៏ត្រូវបានទទួលស្គាល់នៅក្នុងសហគមន៍កុលសម្ព័ន្ធរបស់ពួកគេថែមទៀតផង ។ អ្នកភូមិសង្ឃឹមថា មង្គលការនេះរវាងអ្នកទាំងបីនឹងមិន បង្កឲ្យាមានបញ្ហាល្អកកករអ្វីនោះឡើយ ។ ម្យ៉ាងទៀតប្រពៃណី Adivasi ក៏អនុញ្ញាតឲ្យរៀបការបែបនេះផងដែរ ។

សូមជម្រាបថា ការរៀបមង្គលការលក្ខណៈបែបនេះនៅក្នុងប្រទេសឥណ្ឌា មិនមែនទើបមានម្តងនេះ នោះទេដោយគេសង្កេតឃើញកាលពីខែមករាកន្លងទៅភូមិមួយនៅក្នុងស្រុក Bastar នៃរដ្ឋ Chhattisgarh ប្រទេសឥណ្ឌា ក៏មានបុរសម្នាក់ឈ្មោះ Chandu Maurya បានរៀបការជាមួយស្រ្តីពីរនាក់ឈ្មោះ Hasina និង Sundari ដែលស្រលាញ់គ្នារៀបចំពិធីមង្គលការយ៉ាងអធឹកអាធមថែមទៀតផង ៕