ភ្នំពេញ៖ បន្ទាប់ពីថៅកែក្រុមហ៊ុនផលិតកម្មZone ប្រកាសតាមរយៈបណ្តាញសង្គម និងតាមប្រពន្ធផ្សព្វផ្សាយផ្សេងៗ អំពីការទំនាក់ទំនងតាម រយៈទូរស័ពដៃក៏មិនលើក និងឆាតទៅក៏មិនតប ដែលបង្កទៅជាចម្ងល់ដល់អ្នកគាំទ្រចង់ដឹងណាស់ថាមានបញ្ហាអ្វីឲ្យប្រាកដ ។ ពេលនេះលោកឆាយ និយម ដែលជាតារាចម្រៀងប្រចាំផលិតកម្មខាងលើនេះបានចេញមុខមកបំភ្លឺ និងស្រាយចម្ងល់របស់មហាជន ។
ពាក់ព័ន្ធនឹងបញ្ហាខាងលើនេះ តារាចម្រៀងឆាយ និយម បានបង្ហោះសារនៅក្នុងគណនីហ្វេសប៊ុករបស់ ខ្លួនថា «ខ្ញុំបាទឆាយនិយមសូមអភ័យទោសដលថៅកែក្រុមហ៊ុនផលិតកម្មZoneផងដែរ តេផងឆាតផងថាខ្ញុំមិនតប ដោយសារមួយរយៈនេះខ្ញុំរវល់ចុះទៅខេត្តថតរឿងថ្មី អត់សូវមានសេវ៉ាទាក់ទងទេ ពិបាកនិងនិយាយកាងារណាស់ ហើយក៏សូមទោសមេអ៊ុច រ៉ាវុឌ្ឍ ដែលជាថៅកែផលិតកម្មZoneម្តងទៀតសង្ឃឹមថាខាងក្រុមហ៊ុននឹងអាធ្យាស្រ័យដល់រូបខ្ញុំ ពីខ្ញុំតារាចំរៀងផលិតកម្មZone ហ្ស៊ូន » ។
សូមជម្រាបថា ផលិតកម្មZone ជាក្រុមហ៊ុនផលិតកម្មមួយដែលកំពុងតែបោះជំហ៊ានទៅរកភាពជោគ ជ័យយ៉ាងលឿនរហ័ស បន្ទាប់ពីចេញចរាចរណ៍ចម្រៀងថ្មីប្លែកជាបន្តបន្ទាប់ ធ្វើឲ្យផ្ទុះការគាំទ្រខ្លាំង ដែលទាក់ទាញស្រូមយកចំណាប់អារម្មណ៍បេះដូងមហាជនមិនតិចនោះឡើយ ពិសេសស្ថិតនៅក្នុង ស្រទាប់យុវវ័យបច្ចុប្បន្នតែម្តង ៕
