ចប់បញ្ហាកូវីដ បញ្ញា សិទ្ឋិក្រៅពីព្រឹងថតភាពយន្តយន្តពេលនេះមកបំបុកក្រុម BS Super model អោយលេចធ្លោ
មានការចាប់អារម្មណ៍ ជាថ្មីទៀតហើយដែល បុរសសង្ហាកូនកាត់បញ្ញា សិទ្ឋិ បានបង្ហាញនូវសកម្មភាជាថ្មីទៀត គឺការបង្កើតក្រុមបង្ហាញម៉ូដ ដែលសុទ្ឋសឹងតែជាបុរសសង្ហាវ័យក្មេង។ លោកនឹងកូនក្រុមសមាជិកកំពុងតែរៀបចំ យុទ្ឋសាស្ត្រធ្វើយ៉ាងណាអោយកាន់តែទទួលបាន ប្រជាប្រិយភាព។
ក្រុម BS Super Model ដែលបញ្ញា សិទ្ឋិជ្រើសរើស យកមកអង្រួនគេឯងនេះ ត្រូវបានគេ ឃើញថាមានកាសម្បទាសមសួន មាំទាំ រាងសង្ហាគួរអោយទាក់ទាញ មួយស្ទាយៗម្នាក់ ។ ម្ល៉ោះហើយទើបគេយល់ថាមួយក្ឌាំង នេះដែលបញ្ញា សិទ្ឋិ រំលេចឡើងពិតជាធ្វើអោយគេឯង ភ្ញាក់ផ្អើលព្រោះសុទ្ឋតែជាប្រុសស្អាត លំដាប់យុវវ័យ មកបង្អួតសម្រស់ដាក់គ្នានៅលើបណ្តាញសង្គម។ បញ្ញា សិទ្ឋិ ដែលពេលនេះនៅតែមានទីផ្សារសិល្បៈ បានបង្ហោះសារថា « ពីមុនអ្នកបានមេីលងាយខ្ញុំ អ្នកបានប្រមាថខ្ញុំ ខ្ញុំព្រមទទួលគ្រប់យ៉ាង តែនៅក្នុងចិត្តខ្ញុំនៅចាំតែពាក្យមួយម៉ាត់ គឺ អំពេីល្អ ម៉ែប្រាប់ថា កូនត្រូវខំសាងអំពេីល្អ អំពេីល្អគឺមិនសាបសូន្យទេ ទោះទៅដល់ទីណាក៏មានគេអាណិតស្រលាញ់យេីងដែល ពេលនេះគឺអ្វីៗប្រលប់មកវិញហេីយ អរគុណនៅពាក្យមេីលងាយរបស់ពួកអ្នក»។
ក្រោយពីជាសះស្បើយ ជំងឺកូវីដ១៩ បញ្ញា សិទ្ឋិ បានខិតខំហាត់ប្រាណអោយមានមាឌល្អដើម្បីដើរម៉ូដ។លោកក៍ផ្តើមថតភាពយន្តឡើងវិញ ជាច្រើនរឿង ក្រោយមកក៍បានចំណាយ ពេលវេលាជាច្រើន យកធនធានដែលមានចុះជួយដល់ ជនទីទាល់លោកតា លោកយាយជរា នៅតាមដងផ្លូវនានា ប្រកបដោយចិត្តបុណ្យ។
