ភ្នំពេញ៖ ពិតជាគួរឲ្យអាសូរណាស់មួយពព្រិចភ្នែកសោះបុកស្ត្រីវ័យចំណាស់ម្នាក់បែកក្បាលស្លាប់ភ្លាមៗយ៉ាងអាណោចអាធ័មដោយសាររថយន្តដឹកស៊ីម៉ងត៏មួយគ្រឿងបុកនៅពេលដែលកាត់កំពុងធ្វើដំណើរតាមផ្លូវកាលពីវេលាម៉ោង៣:១០នាទី រសៀលថ្ងៃទី១៤ ខែមិថុនា ឆ្នាំ២០២១ តាមបណ្ដោយផ្លូវបេតុង ក្បែរផ្សារច្រាំងចម្រេះ ស្ថិតនៅសង្កាត់ច្រាំងចម្រេះទី២ ខណ្ឌឬស្សីកែវ រាជធានីភ្នំពេញ ។
បើតាមមន្ត្រីនគរបាលចរាចរណ៍បានឲ្យដឹងថា ស្ត្រីរងគ្រោះខាងលើនេះឈ្មោះ ង៉ែត សុធារី ភេទស្រី អាយុ ៥៩ឆ្នាំ ស្នាក់នៅផ្ទះលេខ១៤៣ ED4z ផ្លូវលេខ១២៨ ភូមិ១ សង្កាត់មនោរម្យ ខណ្ឌ៧មករា រាជធានីភ្នំពេញ មានស្រុកកំណើតនៅ ស្រុកកណ្ដាលស្ទឹង ខេត្តកណ្ដាល។
ប្រជាពលរដ្ឋអ្នកឃើញហេតុការណ៍នេះបានប្រាប់ថា នៅមុនពេលកើតហេតុ គេឃើញស្ត្រីចំណាស់ម្នាក់កំពុងដើរតាមផ្លូវបេតុងក្បែរផ្សារច្រាំងចម្រេះ ស្រាប់តែមានបុរសម្នាក់បើករថយន្តដឹកស៊ីម៉ងត៏មួយគ្រឿង ត័ណ៌ត្រេអ៊ី ពាក់ស្លាកលេខចង្កូតស្ដាំ KPS- 0092 ធ្វើដំណើរស្របទិសដៅជាមួយជនរងគ្រោះ តែដោយសារអ្នកបើកបររថយន្តងងុយដេក ងោកមួយភាំង ក៏ជ្រុលទៅបុកស្ត្រីវ័យចំណាស់ម្នាក់កំពុងដើរបណ្តាលឱ្យបែកក្បាលស្លាប់ភ្លាមៗតែម្ដង ។
បន្ទាប់កើតហេតុអ្នកបើកបររថយន្ត រួមទាំងរថយន្ត ត្រូវបានកម្លាំងសមត្ថកិច្ចចាប់ខ្លួនទៅប៉ុស្តិ៍នគរបាល និងបញ្ជូនទៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ ដើម្បីចាត់ការតាមនីតិវិធី ៕
