ភ្នំពេញ៖ ពិតជាគួរឲ្យកោតសរសើរខ្លាំងណាស់ ដែលលោកគឹម មករា អគ្គនាយកក្រុមហ៊ុន កាវវិទ្យាសាស្រ្ត រចនាGLUE VIP បានប្រកាសធ្វើបុណ្យឧទ្ទិស្សកុសលជូនសពក្មេងសម្សត់អានាថាដែលគេស្គាល់ជាទូទៅថា អាហុង ដែលបានស្លាប់កាលពីពេលថ្មីៗកន្លងទៅនេះ ។
បើយោងតាមគណនីហ្វេសបុករបស់លោកគឹម មករា បានឲ្យដឹងថា «កំលាំងមនុស្សធម៌ របស់ក្រុមហ៊ុន កាវវិទ្យាសាស្រ្ត រចនាGLUE VIP សូមចូលរួមជួយធ្វើបុណ្យគំរប់ ៧ថ្ងៃ ជូនដល់ប្អូនប្រុស ហុង ទីតាំងធ្វើបុណ្យនៅវត្តព្រែកលៀបវេលាម៉ោង ៩:០០នាទីព្រឹក ថ្ងៃទី១៧ ខែមិថុនា ឆ្នាំ២០២១ នេះ »។
លើសពីនេះអគ្គនាយកក្រុមហ៊ុនកាវវិទ្យាសាស្រ្ត រចនាGLUE VIP បានប្រកាសអំពាវនាវដល់បងប្អូនប្រជាពលរដ្ឋសប្បុរសជនដែលមានបំណង និងសទ្ធាជ្រះថា្លចង់ចូលរួមបុណ្យសពគម្រប់៧ថ្ងៃរបស់ក្មេងកម្សត់ហុង ក្នុងការកំណត់ទីតាំង និងពេលវេលាដូចខាងលើ អាចអញ្ជើញចូលរួមបាន ឬអាចទំនាក់ទំនងចូលរួមតាមរយៈគណនីអេបីអេរបស់លោកអគ្គនាយកផ្ទាល់( 089 35 05 27 ABA KIM MAKARA ) ។
សូមជម្រាបថា ក្មេងកម្សត់អានាថា ដែលអ្នកលេងបណ្តាញសង្គមហ្វេសប៊ុកស្គាល់ជាទូទៅថា អាហុង ៗ បានស្លាប់កាលពីថ្ងៃទី១១ ខែមិថុនា ឆ្នាំ២០២១ ដែលបណ្តាលមកពីគ្រោះថ្នាក់រថយន្តកិនដែលធ្វើឲ្យមហាជនអាណិតអាសូគ្រប់គ្នា ៕
