មកដឹងអំពីថ្នាក់ដឹកនាំកំពូលៗរបស់ប្រទេសនៅលើពិភពលោកដែលធ្លាប់មកទស្សនាប្រាសាទអង្គរវត្ត !

មកដឹងអំពីថ្នាក់ដឹកនាំកំពូលៗរបស់ប្រទេសនៅលើពិភពលោកដែលធ្លាប់មកទស្សនាប្រាសាទអង្គរវត្ត !
ប្រាសាទអង្គរវត្តដែលជាកេរ្តិ៍មរតករបស់បុព្វបុរសរបស់ខ្មែរដែលមានតម្លៃមិនអាចកាត់ថ្ងៃបាន ដែលត្រូវបានកសាងឡើងក្រោមស្នាព្រះហស្តព្រះបាទសូរ្យវរ្ម័នទី២ (King Suryavarman II) នៅដើមសតវត្សទី១២ ដែលបច្ចុប្បន្នប្រាសាទនេះបានជាប់ឈ្មោះជាមហាប្រាសាទព្រហ្មញ្ញសាសនាធំជាងគេ ខណៈរមណីយដ្ឋានអង្គរទាំងមូលក៏បានជាប់ឈ្មោះជាទេវស្ថានដ៏ធំបំផុតមួយក្នុងលោក ។

រមណីយដ្ឋានអង្គរវត្តទទួលភ្ញៀវទេសចរណ៍ជាតិ និងអន្តរជាតិ ក្នុងរយៈពេលមួយឆ្នាំៗ បានរាប់ម៉ឺននាក់ដែលធ្វើដំណើរទៅទស្សនា ដោយក្នុងនោះគេក៏សង្កេតឃើញមានបុគ្គលល្បីៗដែលជាថ្នាក់ដឹកនាំកំពូលៗរបស់ប្រទេសនោលើពិភពលោកជាច្រើនដែលធា្លប់បានមកដល់ទឹកដីកម្ពុជា និងទស្សនាប្រាសាទបុរាណមួយនេះ ដោយសារភាពល្បីល្បាញខ្ទរខ្ទាយ៉ាងខ្លាំងនៅទូទាំងសកលលោក ។

ថ្នាក់ដឹកនាំកំពូលៗរបស់ប្រទេសនៅលើពិភពលោកដែលធ្លាប់អញ្ជើញមកទស្សនាប្រាសាទអង្គរវត្តនោះរួមមាន៖
ទី១-ព្រះមហាក្សត្រជប៉ុន ព្រះចៅអាគីហ្ស៉ីណូ (Prince Akishino) និងព្រះអគ្គមហេសី បានយាងមកទតទស្សនានៅអំលុងឆ្នាំ២០០១។
ទី២-លោក រ៉ូ មូយុន (Roh Moo-hyun) អតីតប្រធានាធិបតីកូរ៉េខាងត្បូង និងភរិយា បានមកទស្សនានៅអំលុងឆ្នាំ២០០៦។
ទី៣-លោក ប៊ីល គ្លីនតុន (Bill Clinton) អតីតប្រធានាធិបតីសហរដ្ឋអាមេរិកទី៤២ បានមកទស្សនានៅអំលុងឆ្នាំ២០០៦។
ទី៤-លោក លី ម្យុងបាក់ (Lee Myung-bak) អតីតប្រធានាធិបតីកូរ៉េខាងត្បូង បានមកទស្សនានៅអំលុងឆ្នាំ២០០៩។
ទី៥-លោក ថាក់ស៊ីន ស៊ីនណាវ៉ាត់ត្រា (Thaksin Shinawatra) អតីតនាយករដ្ឋមន្ត្រីថៃ បានមកទស្សនានៅអំលុងឆ្នាំ២០០៩។
ទី៦-លោក ហ៊ូ ជីនតាវ (Hu Jintao) អតីតប្រធានាធិបតីចិន បានមកទស្សនានៅអំលុងឆ្នាំ២០១២។
ទី៧-ព្រះមហាក្សត្រជប៉ុន ព្រះចៅណារ៉ូហ៉ីតុ (Prince Naruhito) បានយាងមកទតទស្សនានៅអំលុងឆ្នាំ២០១២។
ទី៨-លោក មហាម៉ាដ ហាមីដ អាន់សារី (Mohammad Hamid Ansari) អតីតអនុប្រធានាធិបតីឥណ្ឌា និងភរិយា បានមកទស្សនានៅអំលុងឆ្នាំ២០១៥។
ទី៩- លោក ឌីមីទ្រី ម៉េដវេដេវ (Dmitry Medvedev) អតីតនាយករដ្ឋមន្ត្រីសហព័ន្ធរុស្ស៉ី បានមកទស្សនានៅអំលុងឆ្នាំ២០១៥។
ទី១០- លោកស្រី អង់សាន ស៊ូជី អតីតទីប្រឹក្សារដ្ឋមីយ៉ាន់ម៉ា បានមកទស្សនានៅអំលុងឆ្នាំ២០១៩។
ទី១១- លោក មូន ចេអ៊ីន (Moon Jae-in) ប្រធានាធិបតីកូរ៉េខាងត្បូងបច្ចុប្បន្ន បានមកទស្សនានៅអំលុងឆ្នាំ២០២០។

សូមជម្រាបថា ក្រៅពីថ្នាក់ដឹកនាំកំពូលៗរបស់ប្រទេសក្នុងពិភពលោកខាងលើនេះ ក៏នៅតារាបរទេស និងបុគ្គលល្បីៗជាច្រើនទៀត ដែលធ្លាប់បានមកទស្សនាប្រាសាទអង្គរវត្ត ក៏ដូចជារមណីយដ្ឋានអង្គរវត្តនេះ និងរមណីយដ្ឋានទេសចរណ៍ផ្សេងៗទៀតនៅក្នុងប្រទេសកម្ពុជា ៕