ភ្នំពេញ៖ ដំណឹងមរណទុក្ខដ៏សែនក្រៀមក្រំ ក្រោយពេលដែលតារាកំប្លែង នាយ តោ ហៅសំខាន់លាស់ បានស្លាប់ ដោយសាររោគមហារីកក្រពះ កាលពីថ្ងៃទី៩ ខែមិថុនា ឆ្នាំ២០២១ ពោលគឺកាលពីម្សិលមិញនេះផ្ទាល់តែម្តង។ នេះបើយោងតាមការប្រកាសដំណឹង គណនីហ្វេសប៊ុករបស់នាយក្រូច(neay krouch)តារាកំប្លែងប្រចាំស្ថានីយទូរទស្សន៍ CTN ។
តារាកំប្លែង នាយ តោ ហៅសំខាន់លាស់ កាលពីប្រមាណ១០ឆ្នាំឮមុនក្នុងនាមជាតារាកំប្លែងក្នុងក្រុមនាយពាក់មីធ្លាប់បានចូលរួមសម្តែង សាច់រឿងអ៊ូខុងលង់ស្នេហ៍ស្រីស្អាត នៅលើឆាក ប៉ុស្តិ៍ទូរទស្សន៍ CTN ក្នុងកម្មវិធីរាត្រីកំសាន្ត ដែលពេលនោះលោកបានដើរតួជាតួអង្គជ្រូកប៉ាជេ ដោយទទួលបាននូវការគាំទ្រយ៉ាងខ្លាំងពីសំណាក់មហាជន និងអ្នកទស្សនាជាច្រើនផងដែរ ។
បន្ទាប់ពីទទួលដំណឹងមរណីភាពដ៏ក្រៀមក្រំបំផុតនេះមានប្រិយមិត្ត និងមហាជនរួមទាំងតារាសិល្បៈជាច្រើនរូបបានសម្តែងនូវអារម្មណ៍សោកស្ដាយ និងបានផ្ញើរសារចូលរួមរំលែកទុក្ខដល់គ្រួសារសពនាតោផងដែរ ៕
