មីយ៉ាន់ម៉ា៖ បវរកញ្ញាភេទទី៣អន្តរជាតិរបស់ប្រទេសមីយ៉ាន់ម៉ា(Miss Queen International) នាងMay Thitsar Maung បានទទួលមរណភាពយ៉ាងអាណោចអាធ័ម នៅក្នុងឧបត្តិហេតុគ្រោះថ្នាក់ចរាចរណ៍មួយកាលពីពេលថ្មីៗកន្លងទៅនេះ ។
ភ្លាមៗនោះក្រោយទទួលបានព័ត៌មានភ្លាម ស្ថាប័នបវរកញ្ញាភេទទី៣ របស់ប្រទេសមីយ៉ាន់ម៉ា បង្ហោះសាររំលែកទុក្ខជាមួយក្រុមគ្រួសាររបស់នាង May Thitsar Maung ដែលបានស្លាប់នៅក្នុងហេតុការណ៍ដ៏នឹកស្មានមិនដល់ ខណ:ពេលដែលហ្វេនៗ និងអ្នកគាំទ្រនាងជាច្រើនក៏បានបង្ហោះសារមរណទុក្ខ និងចូលរួមសម្តែងការសោកស្តាយចំពោះការបាត់បង់បេក្ខភាពបវរកញ្ញាភេទទី៣ របស់ប្រទេសមីយ៉ាន់ម៉ា ដ៏ឆ្នើមម្នាក់នេះ ។
សូមជម្រាបថា អ្នកនាង May Thitsar Maung កើតនៅក្នុងឆ្នាំ១៩៩៩ នាងគឺជាម្ចាស់ជ័យលាភីឯកនៅក្នុងការប្រកួតប្រជែងបវរកញ្ញាភេទទី៣ របស់ប្រទេសមីយ៉ាន់ម៉ា កាលពីកំឡុងឆ្នាំ២០១៩កន្លងទៅ និងជាបេក្ខភាពមួយរូបដ៏មានភាពលេចធ្លោផងដែរ ៕
