តារាសម្តែង និងជាពិធីករ ដែល បានអុកឡុកវិស័យសិល្បៈ ជាច្រើនឆ្នាំនោះ គឺលោក សុខ វិសាល។ លោកនៅតែបង្ហាញការងារសិល្បៈយ៉ាងជោគជាំ តាមនិស្ស័យចូលចិត្ត។ក្រៅពីនេះគេក៍សង្កេតឃើញថា សុខ វិសាលបានប្រើមធ្យោបាយជាច្រើន ចុះជួយដល់ជនទីទាល់ ក្រោមរូបភាពមនុស្សធម៌ជារឿយៗ គួរអោយសម្គាល់។
ជាប់ឈ្មោះជាតារាសម្តែង លោកសុខ វិសាលរមែង បង្ហាញស្នាដៃបានជាច្រើនរឿង នៅលើដងវិថីសិល្បៈ ដែលពោរពេញដោយការ ប្រកួតប្រជែងដណ្តើមប្រជាប្រិយភាពគ្នា។ ចំពោះលោកវិសាលវិញ ក្រៅពីទទួលបានការថតរឿងទាំងសម័យនិង បុរាណក៍ ឃើញលេចមុខមាត់តាមកម្មវិធីលេង ហ្គេមកម្សាន្តប្រចាំទូរទស្សន៍មួយចំនួនផងដែរ។ បើទោះជាសន្ទុៈនៃការគាំទ្រ របស់លោកនៅមានកម្រិត តែអ្វីដែលសាងដោយសមត្ថភាពលើសិល្បៈលោកពិតជាពេញចិត្ត យ៉ាងប្រាកដ។
តារាប្រុសរូបនេះថ្លែងថា អ្វីដែលធ្វើបាននៅក្នុងសិល្បៈទោះ មិនបានលាន់ឭខ្លាំងអោយគេឯងស្គាល់តែ លោកពេញចិត្តព្រោះនេះជាការតស៊ូពិតៗ។ ទាក់ទិននិងការងារមនុស្សធម៌ដែលលោក បានបង្ហោះនៅលើបណ្តាញសង្គម គឺលោកមិនមានធនធានអ្វីទេ គឺបានជួយដោយ សារអ្នកចិត្តធម៌មួយចំនួនម្នាក់បន្តិចបន្តួចៗ យកមកផ្សំចូលគ្នាបានជាអំណោយយកទៅប្រគល់ជូន អ្នកលំបាកៗ។ អ្វីដែលយើងធ្វើបានក្នុងសង្គមយើងធ្វើហើយក៍អរគុណទឹកចិត្តសម្បុរសជននានា ដែលបានបរិច្ចាកទាំងថវិកា សម្ភារៈជួយជនក្រីក្រ ពេលលោកអំពាវនាវ។
