កំពង់ធំ ៖ ស្ត្រីម្នាក់បានស្លាប់ និងមានអ្នករបួសធ្ងន់៣នាក់ ព្រមទាំងខូចខាតផ្ទះប្រជាពលរដ្ឋចំនួន៤៣ខ្នង ដោយសារភ្លៀងផ្គររន្ទះខ្យល់កន្ត្រាក់កាលពីវេលាម៉ោងប្រមាណជា១និង៤០នាទីរសៀលថ្ងៃទី២ ខែមិថុនាឆ្នាំ២០២១ ស្ថិតក្នុង ភូមិចំនួន៣ នៃឃុំជ័យស្រុកកំពង់ស្វាយ ខេត្តកំពង់ធំ ។
បើតាមសមត្ថកិច្ចនគរបាលប៉ុស្តិ៍រដ្ឋបបាលឃុំជ័យបានឲ្យដឹងថា ប្រជាពលរដ្ឋរងគ្រោះដោយសារគ្រោះធម្មជាតិនោះរួមមាន ទី១-ឈ្មោ ណាន នីន ភេទស្រី អាយុ៣៦ឆ្នាំ ស្លាប់ ទី២-ឈ្មោះឡាយ លឹម ភេទប្រុស អាយុ៣៦ឆ្នាំ របួសធ្ងន់តៃកុងអាត្រាក់ ទី៣-កុមារាឈ្មោះឃឿន លីណា អាយុ៧ឆ្នាំ និងទី៤- ទារកឈ្មោះ ឃឿន ស៊ីថា អាយុ៩ ខែត្រូវជាកូនប្រុសរបស់ស្ត្រីដែលស្លាប់បានរងរបួសធ្ងន់ ដែលពួកគាត់រស់នៅ ភូមិតា ធាវ ឃុំជ័យ ស្រុកកំពង់ស្វាយ ។ អ្នករងរបួសកំពុងបញ្ជូនទៅព្យាបាលនៅមន្ទីរពេទ្យ ខេត្តសៀមរាប ។
អាជ្ញាធរមូលដ្ឋានបានបញ្ជាក់ជូនថា ផ្ទះប្រជាពលរដ្ឋរងកាខូចខាតក្នុងឃុំជ័យនោះគឺនៅក្នុងភូមិតាធាវ ៣៣ខ្នង ដោយក្នុងនោះរលំទាំងស្រុង៧ខ្នង របើកដំបូលទាំងស្រុង៣ខ្នងរបើកដំបូលចំហៀង២២ខ្នង ទ្រេតផ្ទះ១ខ្នង ។ ចំណែកភូមភូមិមហ៌របើកដំបូលចំនួន៥ខ្នង និងភូមិលា្វ៥ខ្នង រន្ទះបាញ់គោស្លាប់១ក្បាល របើកដំបូលទាំងស្រុង១ខ្នង របើកចំហៀង២ខ្នង រន្ទះបាញ់ឆេះរោង១ខ្នង ពោលគឺខ្យល់កន្ត្រាក់នេះបានបំផ្លាញផ្ទះប្រជាពលរដ្ឋ៤៣ខ្នង ស្លាប់មនុស្ស១នាក់របួសធ្ងន់៣នាក់ និងងាប់គោ១ក្បាល ៕
