ភ្នំពេញ៖ ករណីគ្រោះថ្នាក់ចរាចរណ៍ដ៏ភ្ញាក់ផ្អើលមួយកើតឡើងដោយរថយន្តកាមរីគូថស្វិតមួយគ្រឿងបើកឆ្លងផ្លូវដែកមិនប្រយ័ត្នត្រូវរត់ភ្លើងបុកបណ្តាលឱ្យរងការខូចខាតយ៉ាងដំណំសំណាងមិនមានមនុស្សរងរបួស កាលពីវេលាម៉ោង២និង៣៥នាទីរសៀល ថ្ងៃទី២៨ ខែឧសភា ឆ្នាំ២០២១ ស្ថិតនៅតាមបណ្តោយផ្លូវបេតុង ភូមិសាមគ្គី ក្នុងសង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ។
ប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តកាមរីគូទស្វិត ពណ៌ស ពាក់ស្លាកលេខ ឆ ៥៨៣២ ភព២ បានធ្វើដំណើរពីកើតទៅលិច ខណះមកដល់ចំណុចកើតហេតុក៏បានឆ្លងកាត់ផ្លូវដែកមិនប្រយ័ត្នស្របពេលចរាចរណ៍កំពុងកកស្ទះស្រាប់តែរថភ្លើង បើកមកដល់ល្មមក៏ជ្រុលបុកពេញទំហឹងតែម្តងបណ្តាលឱ្យរងការខូចខាតផ្នែកខាងក្រោយសំណាងល្អមិនមានមនុស្សរងរបួស ។
ពាក់ព័ន្ធនឹងករណីខាងលើនេះ ក្រោយពេលកើតហេតុសមត្ថកិច្ចមូលដ្ឋានបានចុះដល់ទីតាំងកន្លែងកើត ដោយភាគីទាំងសងខាងមិនចង់វែងឆ្ងាយទើបសម្រេចបញ្ចប់រឿងនៅកន្លែងកើតហេតុដោយគ្មានសំណង និងជួសជុលរៀងៗខ្លួន ៕
