ភ្នំពេញ៖ ស្របពេលដែលរឿងរ៉ាវទំនាស់រវាងឧកញ៉ា ហេង សៀ និងពិធីការិនីកញ្ញា មាន ពេជ្ររីតា កំពុងទាញចំណាប់អារម្មណ៍មហាជនឲ្យកក្រើកក្នុងបណ្តាញសង្គមមិនទាន់ស្ងប់ផងនោះ ស្រាប់តែពេលនេះបែកធ្លាយវីដេអូមួយទៀតដែលបង្ហាញអារម្មណ៍របស់ នាងលេងសើចសប្បាយក្នងបណ្តាញសង្គម ក្រោយថ្ងៃកើតហេតុរវាងអ្នកទាំងពីរ ដែលផ្ទុយនឹងពាក្យបណ្តឹងរបស់នាងថាភ័យតក់ស្លុតទៅវិញ ។
បើយោងតាមប្រភពពីគណនីហ្វេសប៊ុកមួយឈ្មោះ Kheang Kanika បានបង្ហោះវីដេអូ របស់កញ្ញា មាន ពេជ្ររីតា អមដោយខ្លឹមសារថា «តាមដែលបានដឹងនិងឃើញមក វីដេអូនេះបានផុសនៅកណ្ដាលយប់ថ្ងៃកើតហេតុឈានចូលថ្ងៃទី 5/5/21 បន្ទាប់មកវីដេអូនោះក៏ត្រូវបានលុបចេញពីក្នុងអ៊ីនធឺណិតវិញ ហើយចុះថាភ័យតក់ស្លុតម៉េចមើលទៅមិនដូចចឹង? »។
ប្រភពខាងលើដដែលនេះបន្តថា«ហើយមួយទៀត ម្នាក់ចេះតែថាវីដេអូកាត់ត កាត់តយ៉ាងម៉េចបើមនុស្សមានស្នាមសាក់នៅលើជើងខាងស្ដាំដូចគ្នាហ្នឹង ហើយពាក់ស្អីនៅលើក្បាល បើមនុស្សមិនស្និទ្ធស្នាលគ្នា មិនធ្លាប់ជួបគ្នាពីមុន អ្នកណាទៅហ៊ានជួបគេលើកដំបូងហើយនិយាយការងារផងពាក់ស្អីនៅលើសក់បែបនេះ ? គ្រាន់តែវិភាគលេងៗទេ យល់តាមការគួរ» ។
បើតាមពាក្យបណ្តឹងរបស់កញ្ញាមាន ពេជ្ររីតា ដើមហេតុនៃទំនាស់ រវាងអ្នកទាំងពីរកើតឡើយកាលពីរសៀលថ្ងៃទី០៤ ខែឧសភា ឆ្នាំ២០២១ ដោយចោទថាឧកញ៉ាហេង សៀ ប្រើសកម្មភាពរំលោភក្នុងរថយន្ត នៅក្បែរផ្សារគីឡូលេខ៤ ជិតសាកលវិទ្យាល័យអាស៊ីអឺរ៉ុប ប៉ុន្តែនាងបានរើបម្រាស់រត់ចេញពីឡានត្រលប់ទៅផ្ទះវិញទាំងការភិតភ័យបំផុត ។ ខណៈខាងឧកញ៉ាហេង សៀ បានលើកឡើងតាម រយៈកំណត់ហេតុតុលាការ និងលិខិត សុំអភ័យទោសថ្នាក់ដឹកនាំ នឹងសាធារណជនថា រូបគាត់ទាំងពីរមានទំនាក់ ទំនងស្នេហា មួយរយៈមកហើយ មិនតែប៉ុណ្ណោះក៏ធ្លាប់ជួបគ្នា ផងដែរ ។ ប៉ុន្តែនៅថ្ងៃកើតហេតុ កើត ឡើយក្នុងរថយន្តនោះ គឺដោយ សារលោកមិន អាចបំពេកតាមការទាម ទាថវិកាផ្តាច់ ទំនាក់ទំនងស្នេហាខ្ពស់ពេក ស្រាប់តែនាងទាញ កាំបិតចាក់លើរូបឧកញ៉ាតែម្តង ។
បើទោះបីជាព្រឹត្តិការណ៍យ៉ាងក្តៅគគុក ដែលអង្រួនបណ្តាញសង្គមឲ្យកក្រើកប៉ុន្មានថ្ងៃ កន្លងមកនេះខ្លាំងក្តី រហូតដល់ពេលនេះនៅមិនទាន់ស្ងប់នៅឡើយនោះទេ ។មហាជនដែលចាប់ អារម្មណ៍ចំពោះរឿងទំនាស់នេះ កំពុងនៅបន្តតាមដានយ៉ាងយកចិត្តទុកដាក់នៅឡើយ ដោយរងចាំមើលថាតើទីបំផុតរឿងនេះនឹងទៅជាយ៉ាងណា៕
