ភ្នំពេញ ៖ ករណីដែលគួរឲ្យហួសចិត្តមួយដែលបង្កឡើងបុរសម្នាក់បានផឹកស្រាស្រវឹង ឃើញស្រីរូបស្រស់ មានអារម្មណ៍ពុះកញ្ជ្រោលចង់រួមមេត្រី ប្រើកម្លាំងចាប់បង្ខំត្រូវគេ ឃើញទាន់ស្រែកផ្អើលគេឯង កាលពីវេលាម៉ោង៦និង៣០នាទីយប់ថ្ងៃទី៨ ខែឧសភា ឆ្នាំ២០២១ នៅក្នុងនៅក្នុងបន្ទប់ព្យាបាលជម្ងឺគ្លីនិកមួយកន្លែង ស្ថិតក្នុងខណ្ឌពោធិ៍សែនជ័យ រាជធានីភ្នំពេញ ។
ប្រភពពីកន្លែងកើតហេតុបានឲ្យដឹងថា ជនសង្ស័យខាងលើឈ្មោះ ឃុត ម៉ង់ចំណាប់ អាយុ៣៨ឆ្នាំ មុខរបរមិនពិតប្រាកដ មានទីលំនៅផ្ទះលេខ២៦B ភូមិក្តីចាស់ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។ ចំណែកស្ត្រីរងគ្រោះមានអាយុ៣៧ឆ្នាំ ជាអ្នកជួយមើលការខុសត្រូវគ្លីនិកខាងលើឲ្យបងប្អូន ។
បើតាមប្រភពដដែលនេះបន្តថា ជនសង្ស័យ និងនារីរងគ្រោះគឺជាអ្នកស្គាល់គ្នាយូរមកហើយ ប៉ុន្តែនៅមុនពេលកើតហេតុជនសង្ស័យស្រវឹងស្រាហើយបានដើរចូលទៅក្នុងគ្លីនិកខាងលើនិងបានឃើញនារីងគ្រោះកំពុងស្ថិតនៅទីនោះធ្វើឲ្យរូបគេមានអារម្មណ៍ចងរួមមេត្រីជាមួយនាង ។ បន្ទាប់មកបានទាញដៃនាងចូលទៅក្នុងបន្ទប់សម្រាប់ព្យាបាលអ្នកជម្ងឺបំរុងធ្វើសកម្មភាពចាប់រំលោភប៉ុន្តែជាសំណាងល្អខណៈនោះប្អូនស្រីរបស់ជនរងគ្រោះ បានចូលទៅទាន់ពេលជនសង្ស័យកំពុងធ្វើសកម្មភាពបានស្រែកឆោឡោផ្អើលគេឯងតែម្តង។
ភ្លាមៗនោះបន្ទាប់ពីស្ត្រីរងគ្រោះបានរើខ្លួនរួចហើយ ចាប់ខ្លួនជនសង្ស័យប្រគល់ជូននគរបាលប៉ុស្តិ៍ចោមចៅទី៣ដើម្បីសាកសួរនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមច្បាប់ ៕
